Timbroù Postoù Manav

Eus Wikipedia
Mont da : merdeiñ, klask
Timbroù Manav

Enoret eo bet banniel Breizh en un doare dic’hortoz gant Postoù Manav pa voe embannet ur rummad timbroù gouestlet d’an « Etrekeltiegezh » d’an 12 a viz Mae 2008.

Bannieloù Breizh, Bro-Skos, Kembre, Iwerzhon, Enez-Vanav, Kerne-Veur, Galiza ha Bro-Astur zo danvez 8 timbr liesliv o kinnig ivez ur frazennig-stur e yezh ar vro. Dindan ar Gwenn-ha-du da skouer e c’heller lenn Hep brezhoneg Breizh ebet. Klotañ a ra an degouezh-se gant diviz Aozadur ar Broadoù Unanet (ABU) a embanne lesanvet 2008 « bloavezh etrebroadel ar yezhoù ».

Ar wech kentañ eo ez eo roet an tu da welout skeudenn banniel broadel Breizh war un timbr embannet gant postoù ur gouarnamant.

Liamm diavaez[kemmañ]