Río Uruguay

Kartenn eus red ar stêr Uruguay

Er Salto de Moconá e tremen ar stêr etre div vro, Arc'hantina ha Brazil

Ar stêr Uruguay, pe Río Uruguay e spagnoleg (pe Rio Uruguai e portugaleg) zo ur stêr-veur a 1500 km eus Kreisteizamerika. Redek a ra eus an hanternoz d'ar c'hreisteiz.

[kemmañ] Douaroniezh

Eieniñ a ra er Serra do Mar e Brazil, ha mont etrezek ar c'hornôg; tremen a ra etre stadoù Santa Catarina ha Rio Grande do Sul.
Goude-se e tro war-zu ar c'hreisteiz hag ober a ra an disparti etre div vro, Arc'hantina ha Brazil: war al lez kornôk emañ proviñsoù Mesopotamia Arc'hantina, da lavarout eo Misiones, Corrientes hag Entre Ríos , ha war al lez reter emañ stadoù Brazil. Pelloc'h e ra an disparti etre Arc'hantina , atav er c'hornôg, ha departamantoù Uruguay er reter: Artigas, Salto, Paysandú, Río Negro, Soriano ha Colonia.

Aberiñ a ra neuze er Meurvor Atlantel a-gevret gant ar stêr Paraná d'ober ar Rio de la Plata.

Muioc'h a skeudennoù diwar-benn

Stêr Uruguay

a vo kavet e Kerandafar, ar sanailh ma vez klenket dafar ar Wikipedia.