Omar al-Bashir

Eus Wikipedia
Mont da : merdeiñ, klask
Omar al-Bashir, 12th AU Summit, 090131-N-0506A-342.jpg

Omar Hasan Ahmed al-Bashir (en arabeg: عمر حسن أحمد البشير‎) zo ur soudard hag ur politikour eus Soudan, ganet d'ar 1añ a viz Genver 1944. E penn ar Stad emañ abaoe 1989.

Soudard eo bet en arme Egipt da vare brezel Kippour ouzh Israel e 1973. Pa zistroas da Soudan e voe lakaet e karg da stourm ouzh arme dieubidigezh Soudan e su ar vro. Kas a reas an taol-Stad ouzh ar ministr Kentañ Sadeq al-Mahdi e 1989 ha kemer ar galloud. Dont a reas da vezañ prezidant Soudan d'ar 16 a viz Here 1993.

Urzhioù-bac'hañ anezhañ zo bet embannet gant al lez-varn gastizel etrebroadel e 2009 ha 2010 evit torfed-brezel, torfed a-enep Mab-Den ha gouennlazh e-kerzh brezel an Darfour.