Oddworld

Savet eo ar pennad-mañ diwar labour bet graet gant skolidi. Sikourit da wellaat an danvez, mar plij ganeoc'h.

Oddworld

Anv	Oddworld
Doare	Skiant-faltazi, dystopia
Tem	Stroñs ar sevenadurezhioù etre an natur hag ar greanterezh
Stad orin	Stadoù-Unanet Amerika
Skor orin	C'hoari video
Oberour orin	Lorne Lanning
Bloavezh orin	1994

Oddworld (e brezhoneg : « bed iskis ») a zo anv ur pentalogiezh eus c'hoari pondalezioù krouet e 1994 gant Oddworld Inhabitants hag ijinet gant Lorne Lanning. Pep pennad eus an heuliad a zo kaset gant un haroz disheñvel. Lorne Lanning a lavar en deus kemeret evel pal d'ober c'hoarioù o splujañ ar c'hoarier e-barzh un hollved disheñvel eus e hini met e kredfe anavezout mat. Ez wir, dibabet en deus lakaat ar c'hodoù pennañ eus hor c'hevredigezh a-vremañ evit munudañ hollved Oddworld. Ouzhpennet en deus ivez elfennoù utopek. An heuliad 'se a zo neuze anavezet evit e engoueztladur kreñv ha Lorne Lanning n'en deus morse lavaret ar c'hontrol.

An heuliad a zo ivez bet lakaet war-wel e-keñver ar c'hoarioù all gant e hollved grafek savet mat (an empenter a zo barrek war ar fiñvskeudenn hag an efedoù arbenik) , gant e senario ha meizad eus ar c'hoari. Oddworld Inhabitants en deus krouet ul lusker c'hoari dispac'hel da vare an hini kentañ, anvet A.L.I.V.E. (Aware Lifeforms In Virtual Entertainment).

Abaoe Here 2004, 4,2 million c'hoari eus an heuliad a zo bet gwerzhet er bed.

Hollved

Endro

Ar brezel a zo war hollved Oddworld, ha spisoc'h war ar c'hevandir Mudos etre div sevenadurezh. Eus un tu, ar Mudokons, ar Gabbits ha krouadurioù all a stumm sevenadurezhioù nann diorroet war tachenn an teknologiezhioù, o kehelañ an natur dre totem loened (scrabs hag paramites ivez, padal int preizherion dañjerus) c'hoant o deus bevañ hervez an hengoun kozh, eus an doujañs betek an azeulerezh eus pep stumm buhez. Ar sevenadur all a zo graet gant ar greanter, da c'houzout ar Glukkons, ar Vykkers, hag o akolisted, ar Sligs, hag a klask korvoiñ d'ar muiañ ar blanedenn e-barzh reolennoù an industriezh, ar c'hapitalouriezh gouez hag ar c'hevezerezh.

Moneiz Oddworld a zo ar Moolah, an arouez a zo evel un $ troet war ar gleiz gant 3 varenn a-blom. Ne ouezomp ket piv zo arvalien ar Glukkons.

Ar greanter a stumm un aozadur hag a klask en em astenn anavezet dindan an anv « Kartel Magog » hag o deus kantadoù a uzinoù e pep-lec'h war Oddworld. Ar Glukkons a stumm ur strollad hag a ren ar sevenadurezh 'se. Businessman didrugar int, o klask nemet war-lerc'h ar gounid, c'hwibez penn-da-benn peogwir int dic'houest d'ober n'eus forzh peseurt labour dornel abalamour d'o korfadurezh. Ar Vykkers a ren ur c'hengevredad greantel apotikerezh a-bouezh, met ne c'hellont ket dafariñ abalamour d'o korfadurezh. An div ouenn 'se a zo sikouret gant reoù all, da skouer ar Sligs, preñv gwer gant divrec'h, ar pluñvenn aes ha peurgetket amoed, gant ar perzhded nemetañ eo gwalldretañ ar sklaved ha sevel ar slogs, loened daoudroadeg tagus hag a servij evel ki gward. Labourerien uzinoù ar C'hartel a zo a-benn ar fin sklaved, Mudokons evit an niver brasañ.

Ar Mudokons, a vefe tu keñveriañ gant an indianed eus Amerika, doujus d'an natur hag eus pep stumm buhez, zo trevadenet ha lakaet da sklaved gant ar greanter. Tu zo memestra dezho tagañ ar C'hartel, pergen gant ar vestroniezh eus ar prederiegezh hag ar c'hontroll speredel.

Tudennoù

Gwelet spisoc'h :Tudennoù Oddworld

Krouadurioù

Gwelet spisoc'h :Krouadurioù Oddworld

Geografiezh

Gwelet spisoc'h :Geografiezh Oddworld

Meizad ar C'hoari

Lusker A.L.I.V.E.

Gwelet spisoc'h :ALIVE (lusker c'hoari)

GameSpeak

Restr:Hierarkiezh GameSpeak.jpg

"Hierarkiezh" GameSpeak etre ar c'hrouadurioù e-barzh an daou pennad kentañ.

Ar GameSpeak a zo ur sistem hag a za gant al lusker A.L.I.V.E. evit an darempredoù etre ar c'hrouadurioù. Ar c'hoarier en deus un dibab etre meur a eilgerioù hag a c'hell implij gant pep krouadur. Pep eilger en deus ur ster hag un implij termenet. Da skouer, Abe, evit lakaat ur Mudokon da heuliañ anezhañ, en do da implij ur commande GameSpeak evit gellout lavar « Demat ! » hag en do war-lec'h da lavar « Heul ac'hanon ! ». An urzhioù 'se a c'hell ivez bezañ implijet gant ar c'hrouadurioù estren. Neuze, pa lavaro Abe ur ger er memes skramm eget ur Slig, ar Slig a lavaro « Petra ? ». Ivez, ur Slig a c'hell reiñ urzhioù d'ur Slog, evel « Dre aze ! » evit lavar dezhañ don e-kichen anezhañ pe « Tap anezhañ ! » evit lavar d'ar Slog tagañ ur enebour. Ar Glukkon a c'hell ivez reiñ urzhioù d'ur Slig evel « Deus amañ ! ».

"Hierarkiezh" GameSpeak

Ur hierarkiezh a zo staliet e-barzh ar sistem GameSpeak. Mod-se, ur Glukkons, hag a zo e-penn ar hierarkiezh a c'hello reiñ urzhioù d'ar Slig hag d'ar Slog. Padal, ur Slig ne c'hello ket reiñ urzhioù d'ur Glukkon hag a zo a-us anezhañ. Ar Scrabs hag ar Paramites a zo kevatal gant o kenseurt.

Krouadurioù gant ar sistem GameSpeak :

• Abe (9 hag 6 eilger hervez ar c'hoari)
• Munch (5 eilger)
• Ar Sligs (8 eilger)
• Ar Glukkons (8 eilger)
• Ar Paramites (6 eilger)
• Ar Scrabs (2 eilger)

C'hoarioù eus an heuliad

Titl	Bloavezh	Stumm mekanik	Diorroer	Aozer
Oddworld: Abe's Oddysee	1997	PlayStation, Windows	Oddworld Inhabitants	GT Interactive
Oddworld: Abe's Exoddus	1998	PlayStation, Windows	Oddworld Inhabitants	GT Interactive
Oddworld: Adventures	1998	Game Boy	Saffire	GT Interactive Software Corp.
Oddworld: Adventures 2	2000	Game Boy Color	Saffire	GT Interactive Software Corp.
Oddworld: Munch's Oddysee	2001	Xbox, Windows	Oddworld Inhabitants	Microsoft Game Studios
Oddworld: Munch's Oddysee	2003	Game Boy Advance	Art Co.	THQ Inc.
Oddworld: Stranger's Wrath	2005	Xbox, Windows	Oddworld Inhabitants	Electronic Arts

Gwellet ivez

Liammoù diavaez

• (en) Lec'hienn ofisiel