Misbaha
Ur misbaha pe masbaha (arabeg : مِسْبَحَة misbaḥah), anvet ivez سُبْحَة subḥa pe تَسْبِيح tasbīḥ pe tespih hervez ar broioù pe rannvroioù muzulman, zo ur chapeled islamek implijet da lavarout an dhikr, ennañ 99 anv Allah.
Bez' eo ur gordennig warni meur a voulennig implijet gant muzulmaned evit delc'her koun eus Allah. Graet e vezont gant koad, maen pe plastik. Dre ma vezont implijet evit derc'hel soñj eus 99 anv Allah e vezont kavet gant 33 pe 99 boulennig peurliesañ.
E Turkia, hag e broioù all ivez, e vez implijet an tespih evel ar c'homboloi e Gres evit c'hoari gant ar bizied hepmuiken.