Maria Cristina an Div Sikilia (1806-1878)

• Meur a vaouez zo bet anvet Maria Cristina an Div Sikilia.

Maria Cristina an Div Sikilia, poltredet gant Vicente López Portaña, Madrid, Mirdi ar Prado.

Maria Cristina an Div Sikilia, poltredet gant Franz Xaver Winterhalter.

Maria Cristina an Div Sikilia, pe María Cristina de Borbón-Dos Sicilias e spagnoleg, (Palermo, 1806 — Sainte-Adresse, 1878), a oa ur briñsez italian hag a voe rouanez Spagn goude dimeziñ da Fernando VII. Rejantez e voe goude marv he fried, etre 1833 ha 1840.

Dimezioù ha bugale

Kentañ pried

Dimeziñ a reas e 1829 da Fernando VII (1784 - 1833), Roue Spagn. E bevare ha diwezhañ pried e oa. Div verc'h o doe :

• Isabel II (1830–1904), rouanez Spagn.
• María Luisa Fernanda de Borbón (1832–1897), Infantez Spagn, dimezet da Antonio de Orleans, dug Montpensier.

Eil pried

Addimeziñ a eure da Agustín Fernando Muñoz y Sánchez, kentañ Dug Riánsares ha kentañ Markiz San Agustín, hag eizh bugel o doe, titlet gant o hanterc'hoar rouanez, Isabel II, etre 1847 ha 1849 :

• María de los Desamparados Muñoz y de Borbón, kentañ Kontez Vista Alegre (1834 - 1864)
• María de los Milagros Muñoz y de Borbón, kentañ Markizez Castillejo (1835 - 1903)
• Agustín Muñoz y Borbón, Dug Tarancón, kentañ Beskont Rostrollano ha Priñs Ecuador (1837 - 1855)
• Fernando Muñoz y de Borbón, kentañ Beskont Alborada ha kentañ Kont Casa Muñoz; eil Dug Riánsares, eil Dug Tarancón hag eil Beskont Rostrollano (1838 - 1910)
• María Cristina Muñoz y de Borbón, Markizez Isabela ha Beskontez Dehesilla (1840 - 1921)
• Juan Muñoz y de Borbón, kentañ Kont ar Recuerdo, kentañ Beskont Villarrubio hag eil Dug Montmorot e Bro-C'hall (1844 - 1863)
• Antonio de Padua Muñoz y Borbón (1842 - 1847)
• José María Muñoz y de Borbón, kentañ Kont Gracia ha kentañ Beskont an Arboleda (1846 - 1863)