Luz Casal
María Luz Casal Paz, anavezetoc'h evel Luz Casal, zo ur ganerez c'halizat ganet d'an 11 a viz Du 1958 e Boimorto, e Galiza (e rannvro A Coruña). Tremen a reas he yaouankiz en Asturiez avat, en Avilés ha Gijon.
Taolenn |
[kemmañ] Brud
Dleout a ra he brud hollvedel d'ar ganaouenn vec'hikan Piensa en mi, savet en 1937 gant Agustín Lara hag a glever e film Pedro Almodóvar embannet e 1991 Talons aiguilles.
[kemmañ] Micher
Luz avat n'eo ket plac'h ur ganaouenn hepken, p'emañ gant he micher abaoe hec'h ugent vloaz. Goude rock ar bloavezhioù 1980 he deus kanet ar bolero, ar gwerz mod ar vro. Er bloavezh 2004 e oa bet embannet he 10-vet pladenn. Kanet he deus e spagnoleg Duel au soleil, skrivet gant Étienne Daho (Un nuevo dia brillara), hag Octobre, kanaouenn Francis Cabrel, deuet da vout Octubre ganti.
[kemmañ] Breizh
Pedet e oa bet da zont da ganañ d'ar Festival Interceltique de Lorient e 2010 met nac'het he doa dont dre ma oa taget gant ar c'hrign-bev.
E 2011 avat e oa deuet ha graet berzh.
[kemmañ] 2011
Deuet eo Luz en-dro war al leurinier. Kanañ a ra Un nuevo día brillará (Un deiz nevez a splanno), azasadenn eus ur ganaouenn gant Etienne Daho, eeunoc'h ha fromusoc'h eget ar c'han orin.
[kemmañ] He fladennoù
- El ascensor (1980)
- Luz (1982)
- Los ojos del gato (1984)
- Luz III (1985)
- Quiéreme aunque te duela (1987)
- Luz V (1989)
- A contraluz (1991)
- Como la Flor Prometida (1995) ( tremen 800.000 pladenn gwerzhet)
- Pequeños y Grandes éxitos (1996)
- Un mar de confianza (2000)
- Con otra mirada (2002)
- Sencilla Alegría (2005)
- Pequeños, medianos y grandes éxitos (2005)
- Vida toxica (2008)
- La pasión (2009) (+240.000 pladenn gwerzhet etre Spagn ha Gall)
