Levraoueg

Eus Wikipedia
Mont da : merdeiñ, klask
Traffic cone.png
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ
Abati Melk, levraoueg
Skol-Veur Roazhon 2, levraoueg ar c'hreisteiz.

Ul levraoueg zo un dastumad levrioù hag ul lec'h ma tastumer anezho. Savet eo ar ger levraoueg diwar ar ger levr gant an dibenn -aoueg, ul lostger hag a dalvez z eus ur c'hementad bras eus ar penngef.

E kerz un den prevez e c'hell bezañ ul levraoueg, met an darn-vuiañ anezho a zo paeet ha meret gant ur gêr pe un ensavadur. Ar pal a zo reiñ tu d'un toullad a dud mont da genimplij levrioù ha ne vijent ket gouest kaout ez-prevez. Ur roll bras a zo bet hini al levraouegoù evit treuskas an anaoudegezhioù, al lennegezh ha pep elfenn sevenadurel a c'hell bezañ skrivet pe enrollet pe lakaet war skeudenn.
Koulskoude ez eus bet ijinet meur a baronoù (média e galleg) evit enderc'hel testennoù, skeudennoù ha ditouroù a bep seurt. Teul a vez implijet ivez evit pep a baron un ditour pe ditourioù ennañ. Bremañ e vez kavet e meur a levraouegoù pladennoù (sonerezh pe ditouroù niverel), skeudennoù, oberezhioù arz, bandennoù enrollet, kartennoù (douaroniezh), mikrofichennoù hag all.
Muioc'h-muiañ e vez kavet e-barzh al levraouegoù ur mont-tre foran d'an diazezoù-ditour ha d'ar c'henrouedad Internet.
E fin ar XXvet kantved. eo erruet ar chañchamant-mañ bras pa liesseurt eo roll al levraouegoù ha pa teu enno muioc'h-muiañ a ditouroù diavaez n'int ket klozet gant o mogerioù.

Istor berr al levraouegoù[kemmañ]