Lech Wałęsa

Eus Wikipedia
Lech Walesa (2009)

Lech Wałęsa (distaget [ˈlɛx vaˈwɛ̃sa] e poloneg) (ganet d'an 29 a viz Gwengolo 1943) zo bet unan eus pennoù ar sindikad Solidarność ha prezidant republik Polonia.

Labourat a reas Lech Wałęsa, lesanvet a-wechoù Leszek (Louarn), evel tredaner adalek 1967 e chanter sevel listri Lenin e Gdańsk. En hañv 1980 e voe unan eus pennoù an harz-labour eno.

Goude taol-stad ar jeneral Wojciech Jaruzelski e miz Kerzu 1981, e voe e-touez pennoù an emsav evit an demokratelezh e Polonia. E 1983 e voe roet dezhañ Priz Nobel ar Peoc'h evit se.

Goude kemmoù politikel 1989, e voe prezidant Polonia etre 1990 ha 1995. Abalamour d'e emzalc'h na glaske ket bezañ kompez na klask emglevioù, e voe trec'het e 1995 gant Aleksander Kwaśniewski a oa bet komunour. Abaoe en deus klasket dont en-dro en a-raok war al leurenn bolitikel, met en aner.


En e raok:
Wojciech Jaruzelski
Prezidant Polonia
22 a viz Kerzu 199023 a viz Kerzu 1995
War e lerc'h:
Aleksander Kwaśniewski