Ingmar Bergman

Ingmar Bergman e pad prantad seveniñ ar film Smultronstället e 1957

Ernst Ingmar Bergman, ganet e Uppsala d'ar 14 a viz Gouere 1918 ha marvet d'an 30 a viz Gouere 2007 e enezenn Fårö, oa ul leurenner ha sevener war ar c'hoariva, ur filmbarer hag ur sevener filmoù eus Bro-Sveden. Deuet eo da vezañ unan eus brasañ filmaozer e istor ar sinema en ur sevel un oberenn stag ouzh ar brederouriezh hag an usvedoniezh (Sjunde inseglet, Det/Ar seizvet siell), an imbroud-spered bredonel (Persona) pe familhel (Viskningar och rop/Youc'hoù ha kuzuligoù, Fanny och Alexander/Fanny ha Aleksandr) ha selloù war an emzalc'hoù er c'houpladoù (Scener ur ett äktenskap). Bergman zo ar sevenerien-filmoù nemetañ tapet gantañ ar priz "Palme des Palmes" e gouel Cannes e 1997.