Gouelezenn
ar gouelezennoù zo danvezioù naturel dispennet gant an amzer ha gant ar rimiadur hag a zo kaset gant an avel, an dour, ar skorn pe dre nerzh ar gravitadur. Da skouer, an traezh a c'hall bezañ kaset en arlug en dour stêr, dilezet e foñs ar mor dre gouelezennadur, ha mar bez douaret e c'hall mont da vaen-krag (roc'h gouelezennek) dre dreuzfurmadur e maen.
An traezh a gaver en aodoù hag e naoz ar stêrioù zo skouerioù eus an treuzdougen dre ar stêrioù, daoust ma kouezh ivez ar gouelezennoù d'ar strad e takadoù dour difiñv evel al lennoù hag ar morioù. Tevennoù traezh an dezerzhioù hag al loess zo skouerioù treuzdougen dre an avel.
