Friday the 13th (frañchiz)
| Titl | Friday the 13th  |
|---|---|
| Bro orin | Stadoù-Unanet |
| Yezh orin ar film pe an abadenn skinwell | saozneg |
| Sevener | Sean S. Cunningham |
| Senarioour | Victor Müller |
| Embregerezh produiñ | Paramount Pictures |
| Roll an tudennoù | list of Friday the 13th characters |
Friday the 13th zo ur frañchiz filmoù spont stadunanat gant 12 film slasher, ur stirad skinwel, romantoù, comics, c'hoarioù video, ha bitrakoù lies. Ar frañchiz a zo diazezet war an dudenn ijinet, Jason Voorhees, a oa beuzet en ul lenn e Kamp Crystal Lake dre ma oa re zisoursi labourerien ar c'hamp bugale. Degadoù a vloavezhioù war-lerc'h , al lenn a vez kontet da vezañ milliget ha krog eur gant un heuliad lazhadegoù bras. Jason a adkaver en holl filmoù, pe evel muntrer pe evel awen d'al lazhadegoù.
Ar film orin, o vezañ bet krouet evit rastellat arc'hant goude berzh bras ar film Halloween (1978), a oa bet skrivet gant Victor Miller ha produet ha renet gant Sean S. Cunningham. Ar filmoù o deus bet rastellet en holl 468 milion a zollarioù er sinema ha dre ar bed.
Frank Mancuso, Jr., bet produer evit meur a film, en deus produet ivez ur stirad skinwel Friday the 13th: The Series goude an embann gant Paramount eus Jason Lives. Ar stirad skinwel ne oa ket liammet ouzh ar frañchiz na dre tudenn ebet na dre darvoud ebet, krouet e oa bet war ar mennozh "chañs fall ha mallozhioù", ar pezh a oa un arouez eus aergelc'h ar filmoù. Pa oa perc'henn Paramount war ar frañchiz, pevar film a oa bet adsavet e stumm romantoù, gant Friday the 13th Part III adsavet gant daou skrivagner disheñvel. Pa oa bet gwerzhet ar frañchiz da New Line Cinema, Cunningham a oa distroet evel produer o vezañ e penn daou film ouzhpenn, hag ouzhpenn-se unan kemmesk etre tudennoù Freddy Krueger eus ar frañchiz A Nightmare on Elm Street ha Jason Voorhees. Gant New Line Cinema, trizek danevell ha meur a gomics a oa bet embannet.
Ar filmoù n'int ket gwelet mat gant ar vurutelladennerien, met Friday the 13th a zo unan eus frañchizoù brudetañ ha gant berzh en SUA.
Filmoù[kemmañ | kemmañ ar vammenn]
| Film | Deiziad embann SUA | Rener(ien) | Senariouer | Istor | Produer(ien) |
|---|---|---|---|---|---|
| Friday the 13th | 9 a viz Mae 1980 | Sean S. Cunningham | Victor Miller | Sean S. Cunningham | |
| Friday the 13th Part 2 | 1 a viz Mae 1981 | Steve Miner | Ron Kurz | Steve Miner | |
| Friday the 13th Part III | 13 a viz Eost 1982 | Carol Watson & Martin Kitrosser | Frank Mancuso Jr. | ||
| Friday the 13th: The Final Chapter | 13 a viz Ebrel 1984 | Joseph Zito | Barney Cohen | Bruce Hidemi Sakow | |
| Friday the 13th: A New Beginning | 22 a viz Meurzh 1985 | Danny Steinmann | David Cohen, Danny Steinmann & Martin Kitrosser | David Cohen & Martin Kitrosser | Timothy Silver |
| Friday the 13th Part VI: Jason Lives | 01 a viz Eost 1986 | Tom McLoughlin | Don Behrns | ||
| Friday the 13th Part VII: The New Blood | 13 a viz Mae 1988 | John Carl Buechler | Daryl Haney & Manuel Fidello | Iain Paterson | |
| Friday the 13th Part VIII: Jason Takes Manhattan | 28 a viz gouhere 1989 | Rob Hedden | Randy Cheveldave | ||
| Jason Goes to Hell: The Final Friday | 13 a viz Eost 1993 | Adam Marcus | Dean Lorey & Jay Huguely | Dean Lorey, Jay Huguely & Adam Marcus | Debbie Hayn-Cass & Sean S. Cunningham |
| Jason X | 26 a viz Meurzh 2002[note 1] | James Isaac | Todd Farmer | Noel Cunningham | |
| Freddy vs. Jason | 15 a viz Eost 2003}} | Ronny Yu | Mark Swift & Damian Shannon | Sean S. Cunningham | |
| Friday the 13th | 13 a viz C'hwevrer 2009 | Marcus Nispel | Mark Swift & Damian Shannon | Mark Swift, Mark Wheaton & Damian Shannon | Brad Fuller, Andrew Form, Michael Bay & Sean S. Cunningham |
Notennoù ha daveennoù[kemmañ | kemmañ ar vammenn]
- ↑ Ar film a zo bet embannet e Bro-Spagn e miz Du 2001 evit ur skignadur nemetken, embannet da vat e miz Ebrel 2002.