Flavius Julius Constans

Eus Wikipedia
Mont da : merdeiñ, klask
Sede penaos e voe rannet an Impalaeriezh Roman etre ar pevar c'h-Caesar hervez a c'hoantaas Constantinus Iañ: a gleiz da zehoù, proviñsoù Constantinus II, Constans, Dalmatius ha Constantius II. Goude marv Constantinus Iañ (Mae 337) e voe ofisiel ar rannidigezh ken na voe lazhet Dalmatius ha rannet e zouaroù etre Constans ha Constantius.

Flavius Julius Constans (320-350), ganet e Konstantinopolis, a oa impalaer Roman eus 337 da 350. Mab yaouankañ Constantinus Iañ e oa Constans. E vamm, Fausta, a oa eil gwreg Constantinus. Daou vreur koshoc'h en doa.

Savet e voe da Caesar (= eil impalaer) gant e dad, d'an oad a 13 vloaz, d'ar 25 a viz Du 333, ha da Augustus ( = impalaer) d'an 9 a viz Gwengolo 337. En deiz-se e voe rannet an Impalaeriezh etre e zaou vreur all, Constantinus II ha Constantius II, hag eñ. Dezhañ e tegouezhas Italia , Pannonia hag Africa .

Constantinus II, mestr e Galia, Spagn hag Enez Vreizh, a aloubas Italia e 340, met trec'het e voe gant Constans en Aquileia, ma varvas Constantinus. E 341-2, ez eas Constans d'ober un droiad brezel ouzh ar Franked hag e penn kentañ 343 e reas un dro da Enez Vreizh.

Lazhet e voe gant soudarded Magnentius en iliz Helena (Elne, e-kichen Perpignan) d'ar 27 a viz C'hwevrer 350.

Delwenn penn Constans
Pezh-moneiz en anv Constans

Liammoù[kemmañ]


Commons
Muioc'h a skeudennoù diwar-benn

a vo kavet e Kerandafar.