Ermengarde Teurgn

Ermengarde Teurgn pe Irmingarde, a oa ganet e 804 en Elzas, hag a varvas d'an 20 a viz Meurzh 851, a oa ur briñsez frank. Merc'h e oa d'ar c'hont Huon III Teurgn (765-837) a oa ivez kont Elzas Uhel, hag a ziskenne eus Adalrich, tad santez Odilia hag Ava Morvois.

D'ar 15 a viz Here 821 e timezas e Diedenhoffen (Thionville hiriv) d'an impalaer Lotar Iañ, mab da Loeiz an Deol, ha mab-bihan da Garl Veur. Gant an dimeziñ-se e voe liammet an tiegezh Etichon-Adalric eus Elzas gant an dierniezh impalaerel.

Bugale

Nav bugel he doe  :

1. Loeiz II ar Yaouank (825-†875), impalaer ar C'hornog eus 855 da 875 ha roue Provañs eus 863 da 875. Dimeziñ a reas da Engelberge Elzas ha daou vugel o doe, unan anezho e oa Ermengarde, a zimezas da Boson V de Provence (Bosonides) e miz Meurzh 876
2. Hildrud pe Helletrude (826-†866), pried d'ar c'hont Bérenger
3. Berta (830-†877), abadez Avenay-Val-d'Or e 847
4. Ermengarde (830-†849), skrapet en 846 gant Giselbert ganet entre 826 ha 830, kont Maasgau, a zimezas dezhi.
5. Gisla (830-†864), abadez San Salvador e Brescia entre 852 ha 864 - Marvet d'an 28 a viz Ebrel 864
6. Karloman (ganet e 853), mab diwezhañ Lotar, bastard war a greder.