Emgann Ellendun

Eus Wikipedia
Mont da : merdeiñ, klask
Emgann Ellendun
Sutton.hoo.helmet.jpg

Adsavadur un tokarn sakson
Deiziad: 825
Lec'h: Dyrham, bro-Saoz
Disoc'h: trec'h Wessex
Emgannerien
Mercia Wessex
Pennoù-brezel
Beornwulf Mercia Egbert Wessex
Niver a emgannerien
Dianav Dianav
Tud lazhet
Dianav Dianav

E 825 e c'hoarvezas Emgann Ellendun, er pezh a zo Wroughton e Wiltshire hiziv. Enebiñ a reas rouantelezh pennañ su bro-Saoz, Wessex, ouzh Mercia a oa stad pouezusañ Preden d'ar mare-se hag he doa staget pe lakaet dindan hec'h aotrouniezh tout ar rouantelezhioù arall estreget Northumbria.

N'anavezomp netra diwar-benn an emgann end-eeun met ur faezhidigezh vras e voe evit Mercia a voe torret he nerzh milourel.

Pouez istorel[kemmañ]

Merkout a reas emgann Ellendun fin an aotrouniezh verciat war Vro-Saoz ha deroù hini ar Wessex.[1] Goude an emgann e kasas Egbert Wessex un arme da Gent da ziarbenn Balred Kent. Rouantelezhioù Sussex, Surrey hag Essex a dremenas dindan aotrouniezh Wessex - peogwir e oant bet skrapet digent e gerent hervez ar C'hronik Angl-ha-saoz [2] - ha rediet e voe roue diwezhañ Essex, Sigered da repuiñ e Mercia.

N'eo ket ket sklaer pegoulz e c'hoarvezas an darvoudoù-se met war a seblant e oa dalc'het Kent gant Balred betek 826 [3][4] ha n'eo ket dic'hallus e vije chomet Essex dindan levezon Mercia betek 829[3]

Anglia ar reter a oa ur Stad e gwazoniezh Mercia ha goulenn a reas gwarez Wessex e 826. Beornwulf a voe lazhet en emgann en ur esaeañ adaloubiñ e sujed kozh. E 829 ez eas Mercia hogozik da get pa oa aloubet gant Egbert met divarrek e voe d'he mirout hag he frankiz a adkavas e 830.

Daveoù[kemmañ]

  1. Stenton, Anglo-Saxon England, p. 231.
  2. Swanton, The Anglo-Saxon Chronicle, pp. 58–63.
  3. 3,0 3,1 Kirby, Earliest English Kings, pp. 165–169
  4. Anglo-Saxons.net: S 1267. Sean Miller. Kavet d'an 8 August, 2007.