Claude de France (1547-1575)
Ur pennad Claude de France zo ivez.
Claude de France, ganet e Kastell Fontainebleau d'an 12 a viz Du 1547, marvet e Nancy d'an 21 a viz C'hwevrer 1575, a oa eil merc'h ar roue gall Herri II hag e bried Caterina de' Medici. Roet e voe dezhi anv he mamm-gozh, mamm he zad, Claude de France (1499-1524).
Savet e voe el lez c'hall, e-kichen Elesbed Bro-C'hall (1545-1568) ha Mari Stuart. Dimeziñ a reas en 1559 da Charles III, dug Loren ha Bar.
Alies e kuitae Nancy, kêr-benn Lorraine, da vevañ e lez Bro-C'hall gant he mamm.
He bugale
[kemmañ | kemmañ ar vammenn]Dimezet e oa bet da 12 vloaz, marvet er gwentloù da 27 vloaz, goude genel nav bugel:
- Henri II de Lorraine (1563 † 1624), dug Loren ha Bar
- Christine de Lorraine (1565 † 1637), dimezet en 1587 da Ferdinando Iañ de' Medici, dug-meur Toskana (1549 † 1609)
- Charles (1567 † 1607), kardinal Lorraine, eskob Metz (1578-1607), ha Strasbourg (1604-07)
- Antoinette (1568 † 1610), dimezet en 1599 da Jean-Guillaume (1562 † 1609), dug Juliers ha Berg
- Anne (1569 † 1576)
- François, kont Vaudémont (1572 † 1632), dug Loren ha Bar
- Catherine (1573 † 1648), abadez Remiremont
- Élisabeth de Lorraine (1575 † 1635), dimezet en 1599 da Masimilian Iañ (1573 † 1651), Dilennour Bavaria
- Claude (1575 † 1576)
