António Portugal, Priol Crato

Eus Wikipedia
Ur pennad António Portugal zo ivez.
António de Portugal, Roue Portugal.

António de Portugal, pe António Iañ, ganet e 1531 e Lisboa, marvet e 1595 e Pariz, a voe Roue Portugal adalek ar 24 a viz Gouhere betek ar 25 a viz Eost 1580, pa rankas leuskel e gurunenn gant Felipe II, Roue Spagn. Ezel e oa eus Urzh Sant Yann Jeruzalem ha lesanvet "Priol Crato".

Bastard reizhekaet d'an Infant Luís de Portugal e oa, ha da Yolande Gomes, yuzevez deuet da vout kristenez nevez. Skoliet e voe gant Bartolomeu dos Mártires e Coimbra ha degemeret e voe en Urzh an Ospital, ma oa Priol e dad. En 1574 e oa gouarnour Tanger.

Studiañ a reas e manati Costa ; e Coimbra e studias prederouriezh; en Évora, an doueoniezh, goude bout degemeret evel Priol Crato en Urzh Sant Yann Jeruzalem. Nac'h a reas bout beleget ha kas a rae e vuhez o c'hoari las.

Goude marv Sebastião Iañ e klaskas sevel war an tron, en hañv 1580, dre ma oa mab-bihan da Manuel Iañ Portugal. Abalamour ma oa ur bugel bastard, ha mab d'ur gristenez nevez, ne voe ket degemeret avat hag e genderv Felipe II, roue Spagn, a gasas e arme da aloubiñ Portugal. Mont a reas António d'an harlu da Vro-C'hall.

E vugale[kemmañ | kemmañ ar vammenn]

Dek bugelen doe gant Ana Barbosa:

  • Filipa de Portugal (1560-?), leanez
  • Luísa de Portugal (1562-?), leanez e Tordesillas
  • Afonso de Portugal (1566-?)
  • Manuel de Portugal (1568-1638),
  • Cristóvão de Portugal (1573-1638)
  • Pedro de Portugal (1575-?)
  • Dinis de Portugal (1576-?)
  • Violante de Portugal (1577-d.1602), leanez e Burgos
  • Antónia de Portugal (1578-d.1602), leanez e Burgos
  • João de Portugal (1579-?) marvet en yaouank

E varv[kemmañ | kemmañ ar vammenn]

António de Portugal a varvas e Pariz d'ar 26 a viz Eost 1595.