Ann Coulter

Ann Coulter e 2009, e-kerzh ar CPAC

Ann Coulter ouzh ar mikro e-kerzh ar Republican National Convention e 2004.

Ann Hart Coulter, bet ganet d'an 8 a viz Kerzu 1961, zo ur rendaelourez politikel ha stourmerez mirour, ur skrivagnerez hag un alvokadez stadunanat.
Alies e vez gwelet er skinwel pe glevet er skingomz o reiñ he soñjoù a-zivout darvoudoù foran pe brevez.

Ganet e voe e New York City en ur familh mirourien, ha desavet e New Canaan (Connecticut). Pa oa o studiañ an Istor e Cornell University e voe entanet muioc'h-mui gant ar mennozhioù mirour rik. D'ar mare-se e sikouras da sevel ar The Cornell Review, ur gazetenn dizalc'h embannet gant studierien he skol-veur.

Brudet eo evit implij troiennoù dichek, evit kaout savboentoù strizh ha bezañ helavar. Un Éric Zemmour stadunanat a reer anezhi a-wechoù. Flemmus ha drouk eo gant an Strollad Demokratel hag ar pezh a soñj dezhi bezañ tu kleiz ar politikerezh stadunanat. Embann a ra anat n'eo ket neptu, ha plijout a ra dezhi plantañ reuz.

Oberennoù

• 1998 : High Crimes and Misdemeanors: The Case Against Bill Clinton, Washington DC, Lanham, MD - Regnery Pub (ISBN 978-0-89526-360-5)
• 2002 : Slander: Liberal Lies About the American Right, New York, NY - Crown (ISBN 978-1-4000-4661-4)
• 2003 : Treason: Liberal Treachery from the Cold War to the War on Terrorism, New York, NY - Crown Forum (ISBN 978-1-4000-5030-7)
• 2004 : How to Talk to a Liberal (If You Must: The World According to Ann Coulter, New York, NY - Crown Forum (ISBN 978-1-4000-5418-3)
• 2006 : Godless: The Church of Liberalism, New York, NY - Crown Forum (ISBN 978-1-4000-5420-6)
• 2007 : If Democrats Had Any Brains, They'd Be Republicans, New York, NY - Crown Forum (ISBN 978-0-307-35345-0)
• 2009 : Guilty: Liberal "Victims" and Their Assault on America, New York, NY - Crown Forum (ISBN 978-0-307-35346-7)
• 2011 : Demonic: How the Liberal Mob Is Endangering America, New York, NY - Crown Forum (ISBN 978-0-307-35348-1)
• 2012 : Mugged: Racial Demagoguery from the Seventies to Obama, New York, NY - Sentinel HC (ISBN 978-1-59523-099-7)
• 2013 : Never Trust a Liberal Over 3 – Especially a Republican, Washington, DC - Regnery Publishing (ISBN 978-1621571919)
• 2015 : Adios, America: The Left's Plan to Turn Our Country Into a Third World Hellhole, Washington, DC - Regnery Publishing (ISBN 978-1621572671)
• 2016 : In Trump We Trust: E Pluribus Awesome!, New York City - Sentinel (ISBN 978-0735214460)