An Treuzstummadur

An oberour, Kafka, e 1906.

An Treuzstummadur (titl orin alamanek : Die Verwandlung) a zo un danevell skrivet gant ar skrivagner tchek Franz Kafka, bet embannet evit ar wech kentañ e 1915. Asambles gant Ar Prosez ez eo unan eus oberennoù brudetañ Kafka. Enni e kont istor ur beajour kenwerzh anvet Gregor Samsa, hag a zihun ur mintin hag en em gav treuzstummet en ur «c'hwil-du ramzel». Gant ar vurutellerien e vez renket er vezoudelouriezh. E 2009 e voe embannet troidigezh vrezhonek Yann Talbot gant Al Lanv.

Puilh eo an displegadennoù a gaver diwar-benn An Treuzstummadur : e levr Stanley Corngold (The Commentator's Despair) e kaver ouzhpenn 130 anezho, evel an doare ma tegemerer tud disheñvel er gevredigezh, met ivez an digenvez ha dic'hoanag an dud lakaet a gostez. Estreget korf Gregor Samsa a gemm en danevell. N'eus displegadenn ebet d'e dreuzstummadur. ER c'hontrol e weler penaos e kemm emzalc'h e familh a-feur ma ya an istor war-raok ha ma ya e stad war fallaat. Er penn-kentañ ez eo gwan e dad ha nerzhus e teu da vezañ. E c'hoar, hag a zo karantezus er penn-kentañ, a gemer tamm-ha-tamm an traoù e-karg hag perzh a gemer en argas he breur.

Lodennoù an danevell

• I : Gregor o tihuniñ hag o tizoloiñ e neuz nevez
• II : evezhiadennoù diwar-benn korf Gregor
• III : emzalc'h e familh
• IV : kemmoù en emzalc'h e c'hoar (dre redi)
• V : kemmoù en emzalc'h e vamm (a fell dezhi gwelout he bugel)
• VI : kemmoù e kambr Gregor
• VII : c'hoant e familh : marv Gregor
• VIII : marv Gregor
• IX : e familh a grog en-dro gant ar vuhez pemdez

Embann

Embannet e voe evit ar wech kentañ e 1915 e Leipzig e niverenn miz Here ar gelaouenn Weiße Blätter, renet gant René Schickele. E miz Kerzu 1915 e voe embannet e stumm ul levr gant Kurt Wolff Verlag, Leipzig (war ar golo orin e lenner «1916»), en dastumad Der jüngste Tag.

E brezhoneg

Embannet eo bet e 2009 e brezhoneg gant al Lanv, troet eo bet an destenn diwar an alamaneg gant Yann Talbot.

E media all

Meur a film a zo bet, en o zouez:

• (1987)
• Die Verwandlung (1975)
• Förvandlingen (1976/I)
• Metamorphosis of Mr. Samsa (1977) gant Caroline Leaf
• The Metamorphosis of Franz Kafka (1993) gant Carlos Atanes
• Prevrashcheniye (2002)
• Franz Kafka's Metamorphosis acoustical liberation e lec'hienn LibriVox
• Metamorfosis (2004)
• A Metamorfose (2007) en Internet Movie Database]
• Immersive Kafka: The Metamorphosis / Atvaltozas (2010) gant Sandor Kardos, Barnabas Takacs.

Bez ez eus ur strollad sonerezh post-rock amerikan anvet Gregor Samsa.

Liammoù diavaez

Embannadurioù enlinenn

• An destenn orin er Wikimammenn
• Die Verwandlung e lec'hienn DigBib.org (testenn, pdf, HTML)
• The Metamorphosis, troidigezh 2009 gant Ian Johnston, Malaspina University-College
• An destenn e lec'hienn gutenberg.org]
• The Metamorphosis e lec'hienn LibriVox (levr da selaou)

Displegadennoù

• The Metamorphosis gant Vladimir Nabokov
• Existential Primer
• The Metamorphosis studiadenn, dodennoù, arroudoù ha dafar evit kelenn