Amfipolis

Eus Wikipedia
Mont da : merdeiñ, klask
E men emañ Amfipolis

Commons
Muioc'h a skeudennoù diwar-benn

a vo kavet e Kerandafar.

Amfipolis (Ἀμφίπολις Amphípolis e gregach) a oa ur geoded hellazat e reter Makedonia. Savet e oa en ur gompezenn war vord ar stêr Strimon, 4 km en hanternoz d'an aber e mor Egea. Krouet e voe en 437 kent J.-K., ha dilezet war-dro an VIIIvet kantved eus hon amzer.

Orin ar geoded[kemmañ]

Aber ar stêr Strimon hag ar gimnazion adalek akropolis Amfipolis

A-hed an VIIIvet kantved kent JK edo Aten o klask astenn he beli war Trakia, ur vro a-bouez dezhi abalamour d'an danvezioù krai a oa enni, ar metaloù (aour hag arc'hant) eus Menez Pangea, ar c'hoad da sevel listri, hag abalamour ma oa war an hent war-du an Hellespontos hag ar Mor Du e teue drezañ ed eus bro ar Skited.

Goude c'hwitet ar c'hentañ taol-arnod da drevadenniñ ar vro e 497 kent J.-K. graet gant tirant Miletos, Histie, e voe savet o zrevadenn gentañ eno gant Ateniz en Ennéahodoï (Nav hent) e 465 kent J.-K., met lazhet e voe an dek mil trevadenner gant an Draked (Toukidides I, 100, 3). Graet e voe un eil arnod e 437 kent J.-K. er memes lec'h dindan renerezh Hagnon, mab Nikias, o kemer harp war porzh Eion, e genoù ar ster Strimon, ul lec'h a oa bet implijet gant ar Bersed dija, kemeret gant Kimon ha deuet da vezañ ur c'hontouer eus Aten.

Taolenn eus Amfipolis

.

Gerdarzh[kemmañ]

Amfipolis, pe « en-dro da gêr », zo bet kaoz vras diwar-benn hec'h anv gant ar c'heriadurourien, en desped d'an displegadurioù sklaer roet gant Toukidides (IV.102.3): en un notenn eus ar Souda (a gaver ivez e Leksikon Photius) e lenner un ali all diwar un displegadur bet roet da gentañ, hervez Harpokration, gant Marsyas Pella (FGrH 135/6), ha gouez dezhañ e vije bet kalz a dud o chom en-dro da gêr.

Aliesoc'h e vez degaset da soñj un displegadur aesoc'h da grediñ, bet roet gant ar yezhadurour Julius Pollux (Onomasticon, 9.27.5) : tost e vije bet kêr ouzh ur strizh-douar, pe ur roudour.


Gwelout ivez[kemmañ]

Pennadoù kar[kemmañ]

Lennadurezh[kemmañ]

  • L. Heuzey, H. Daumet, Mission archéologique de Macédoine, Paris, 1876;
  • N. Zikos, Amphipolis paléochrétienne et byzantine, Athènes, 1989 (guide archéologique);
  • D. Lazaridis :
    • Amphipolis, Athènes, 1986 (guide archéologique);
    • La cité grecque d'Amphipolis, in Comptes-rendus de l'Académie des Inscriptions et des Belles-Lettres (CRAI) 1977, 194-214;
  • (en) M. Hatzopoulos, Macedonian Institutions under the King, Athènes, 1996;
  • (en) A. Dunn, “From Polis to Kastron in Southern Macedonia: Amphipolis, Khrysoupolis, and the Strymon Delta”, Castrum 5, Archéologie des espaces agraires méditerranéens au Moyen-Âge, Murcie, 1992, 399-413.

Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar.

Notennoù[kemmañ]