Wrong Turn (film, 2003)

Wrong Turn zo ur film spont ha slasher stadunanat sevenet gant Rob Schmidt ha skrivet gant Alan B. McElroy. Aktourien ar film eo Desmond Harrington, Eliza Dushku, Emmanuelle Chriqui, Jeremy Sisto, Kevin Zegers ha Lindy Booth. Ar film a zo bet embannet d'an 30 a viz Mae 2003. Ar c'hentañ film eo en heuliad filmoù Wrong Turn.

Istor

Studierien binvidik, Rich Stoker ha Halley Smith, zo o krapat ur menez en ur c'hoad e Virginia Kornôg. A-greiz- holl pa erru Rich e beg ar menez e vez lazhet a-raok ma errufe ar vaouez. Unan bennak a grog da hejañ-dihejañ kordenn ar vaouez betek rediañ anezhi da droc'hañ ar gordenn. Kouezhañ a ra betek al leur. Gloazet don klask a ra tec'hout met trapet eo gant orjal dreinek ha sachet e donder ar c'hoad.

Tri devezh war-lerc'h, ur studier war ar medisinerezh, Chris Flynn, zo o vleniañ war-zu ar menezioù en Greenbrier County evit mont d'un emvod aferioù. War e hent stanket eo gant ur stouf goude ur gwallzarvoud war an hent. Paouez a ra e oto en un arsav dour-tan ha goulenn un hent all. Un den kozh a embann n'eo ket ur mennozh mat rak dañjerus eo ar menezioù. Chris a gav un hent pri dre sellet ouzh ur gartenn en arsav hag a heuilh anezhi. Stekiñ a ra gant e oto ouzh un SUV. An oto a oa bet trapet gant ur pej ha stanket eo ar strollad tud yaouank a oa o vont da gampiñ: Jessie, Carly, Scott, Evan ha Francine. Buan e teuont a-benn da gompren eo bet toullet rodoù an oto dre ur pej. Evan ha Francine a c'hortoz e-kichen an otoioù e-pad ma ya ar re all da glask sikour. An daou a zo lazhet gant un den dianav en ur vont er c'hoad. Ar re all a gav ur gabanenn kuzhet er c'hoad ha mont-tre da glask ur pellgomz. Saouzanet int o welet tammoù korfoù e pep lec'h dre an ti. Klask a reont tec'hout pa zistro perc'henned an ti. Tri dendebrer zo o vevañ eno: : Three Finger, Saw Tooth ha One Eye. Ar re-se a zeu en ti gant korf Francine, hag ar strollad tud yaouank kuzhet a wel ar c'horf o vezañ didroc'het evit bezañ keginet ha debret.

Aktourien

• Desmond Harrington evel Chris Flynn
• Eliza Dushku evel Jessie Burlingame
• Emmanuelle Chriqui evel Carly
• Jeremy Sisto evel Scott
• Kevin Zegers evel Evan
• Lindy Booth evel Francine
• Julian Richings evel Three Finger
• Garry Robbins evel Saw Tooth
• Ted Clark evel One Eye
• Yvonne Gaudry evel Halley Smith
• Joel Harris evel Richard "Rich" Stoker
• David Huband evel Trooper
• Wayne Robson evel Old Man
• James Downing evel Trucker

Liammoù diavaez

• Wrong Turn war IMDb