Vittoria della Rovere
Vittoria della Rovere ( 1622 – 1694) a oa ur briñsez italian, merc'h da Federico Ubaldo della Rovere,dug Urbino, ha da Claudia de' Medici . Savet e voe er relijion ha devot e oa.
Dimeziñ
[kemmañ | kemmañ ar vammenn]
Dimezet e oa d'he c'henderv Ferdinando II de' Medici, dug-meur Toskana en 1634.
Daou vab o doe Ferdinando ha Vittoria della Rovere:
- Cosimo III de' Medici (1642 – 1723), dug-meur war-lerc'h e dad;
- Francesco Maria de' Medici (1660 – 1711), kardinal.
Triwec'h vloaz zo etre an daou vab. Dispartiet e oa an dug-meur hag e bried dre ma oa bet tapet an dug-meur gant e wreg un deiz p'edo o c'hoari-daou gant ur floc'h.