Villarrica (menez-tan)

Lava fountain within Villarrica's crater.

Aerial view of Mount Villarrica.

Map showing Chile's most active volcanoes.

Unan eus oberiantusañ menezioù-tan Chile eo ar Villarrica. A-us da Lenn Villarrica ha kêr Villarrica, Chile emañ. Anvet eo ivez ar menez-tan-mañ Rucapillán, ur ger Mapuche haga dalvez kement ha "Ti ar Pillan" pe "Ti ar Spered". Tri menez-tan kemmesk a zo, hemañ o vezañ an hini a zo ar muiañ er C'hornôg, hag o-zri a-skouer gant aradennad an Andez a-hed an Frailh Gastre. En ul lec'h gwarezet emañ Villarrica, evel Quetrupillán ha lodenn Chile al Lanín, lod eus Park Broadel Villarrica. Gallout a reer krapat outañ dreist-holl e-kerzh an hañv.

Lava Villarrica a zo etre bazaltek hag andezitek. E-touez ar menezioù-tan gant seurt lava er bed ez eo Villarica un nemedenn dre m'en devez gwech-ha-gwech-all ul lenn lava e strad e kraterenn. Peurvuiañ e tislonk e-giz ur menez-tan stromboliat, e taol danvez piroklastek hag e tever lava war ar memes tro. Kalzik a erc'h hag a c'hlav a gouezh war ar vro, se zo kaoz e vez ivez difoupadennoù fank ha mein anvet lahar. Se zo c'hoarvezet e 1964 hag e 1971.

Emañ ar menez-tan o tislonkañ en deizioù-mañ (Meurzh 2015).