Vic Chesnutt
| Vic Chesnutt | |
| |
Vic Chesnutt e 2008
| |
| Bro orin | Athens,  Stadoù-Unanet
|
|---|---|
| Doare(où) | folk rock |
| Bloavezhioù oberiant | 1985-2009 |
| Label(ioù) | Texas Hotel, Capitol, PolyGram, Backburner, New West, Orange Twin |
| Lec'hienn ofisiel | http://vicchesnutt.com/ |
kemmañ  |
|
Vic Chesnutt (12 a viz Du 1964 e Jacksonville, Florida – 25 a viz Kerzu 2009 en Athens, Georgia) a oa ur c'haner hag ur sonaozer amerikan a oa o chom en Athens. Kregiñ a reas da sevel kanaouennoù d'an oad a 5 bloaz. Gloazet e voe en ur gwallzarvoud kirri e 1983, ha nammet e voe.
E vuhez
[kemmañ | kemmañ ar vammenn]E-tro 1985 ez eas Chesnutt da Athens da seniñ gant ar strollad The La-Di-Da's.[1] Goude kuitaat ar strollad e krogas da seniñ e-unan en 40 Watt Club; ma voe merzet gant Michael Stipe (R.E.M.). Gant Stipe e voe produet an div bladenn gentañ savet gant produced Chesnutt : Little (1990) ha West of Rome (1991).
E 1992 e voe savet un teulfilm, Speed racer e ditl, diwar-benn Chesnutt. Ur perzh bihan en doe ivez er film Sling Blade savet e 1996 gant Billy Bob Thornton[2].
Brudetoc'h e teuas Chesnutt da vezañ e 1996 pa voe embannet ar bladenn Sweet Relief II: Gravity of the Situation, ma kaver tonioù Chesnutt sonet en-dro gant arzourien evel Garbage, The Smashing Pumpkins (gant Red Red Meat), Madonna, R.E.M. ha Live.
Kenlabourat a reas gant kalz arzourien ha sonerien all. Gant Widespread Panic e savas div bladenn gant an anv brute. The Salesman and Bernadette (1998) a savas gant izili ar strollad alt-country Lambchop. The album Merriment was a Chesnutt ha Kelly ha Nikki Keneipp a genlabouras a-benn sevel ar bladenn Merriment. E 2005 e lakaas embann Ghetto Bells savet gant ar gitarour Bill Frisell. War Ghetto Bells e son ivez Van Dyke Parks.
Peder fladenn gentañ Chesnutt a voe embannet gant Texas Hotel . Goude-se ec'h enrollas About to Choke (1996) embannet gant Capitol. The Salesman and Bernadette (1998) a voe embannet gant PolyGram; ha Merriment (2000) a voe embannet gant Backburner Records; tra ma voe embannet Left to His Own Devices (2001) gant spinART. Goude-se e voe degemeret Chesnutt gant an ti-embann New West Records, a lakaas embann div bladenn savet gantañ. E 2004 e voe adembannet pladennoù Texas Hotel gant kanaouennoù ouzhpennet.
Er goañv 2006 ec'h enrollas Chesnutt North Star Deserter e Hotel2Tango e Montreal. Embannet e voe d'an 11 a viz Gwengolo 2007 gant Constellation Records. Er bladenn e son arzourien evel izili Thee Silver Mt. Zion Memorial Orchestra & Tra-La-La Band, izili Godspeed You! Black Emperor, hag ivez Guy Picciotto (Fugazi). Produet e voe gant ar filmaozer Jem Cohen.[3] Pedet e voe ivez Chesnutt da seniñ war ar bladenn Trinity Revisited gant Cowboy Junkies (2007).
Elf Power (eus Athens, Georgia) a genlabouras gant Chesnutt a-benn sevel an albom anvet Dark Developments, bet embannet gant an anv Vic Chesnutt, Elf Power, and the Amorphous Strums.
Mervel a reas Chesnutt d'ar 25 a viz Kerzu 2009 goude bezañ lonket re a louzeier da zistanañ e gigennoù.[4]
Oberenn
[kemmañ | kemmañ ar vammenn]- 1990 Little
- 1991 West of Rome
- 1993 Drunk
- 1995 Is the Actor Happy?
- 1996 About to Choke
- 1998 The Salesman and Bernadette
- 2000 Merriment
- 2001 Left to his Own Devices
- 2003 Silver Lake
- 2005 Ghetto Bells
- 2005 Extra Credit EP
- 2007 North Star Deserter
- 2008 Dark Developments
- 2009 At the Cut
- 2009 Skitter on Take-Off
Gant an anv brute.
- 1995 Nine High a Pallet
- 2002 Co-Balt
Notennoù
[kemmañ | kemmañ ar vammenn]- ↑ http://www.georgiaencyclopedia.org/nge/Article.jsp?path=/TheArts/Music/RockandPop/IndividualArtistsandMusicalGroup-3&id=h-968%7Ctitle=Vic Chesnutt (b. 1964), New Georgia Encyclopedia
- ↑ Village Voice – Vic Chesnutt Interview
- ↑ Khanna, Vish : Vic Chesnutt's Star Power, http://www.exclaim.ca/articles/multiarticlesub.aspx?csid1=115&csid2=4&fid1=27544
- ↑ http://artsbeat.blogs.nytimes.com/2009/12/25/vic-chesnutt-singer-dies/?src=twt&twt=nytimes%7Ctitle=Vic Chesnutt, Singer, Dies, The New York Times ArtsBeat Blog