Vetranio
Vetranio a oa bet impalaer roman etre ar 1añ Meurzh 350 hag ar 25 Kerzu 350.
Goude muntr Flavius Julius Constans gant Magnentius d'an 18 Genver 350, bountet e voe Vetranio, ur jeneral kozh, gant Constantia, unan eus merc'hed Constantinus Iañ, intañvez Hannibalinus, bet lazhet war urzh Constantius II, d'en em sevel da impalaer d'ar 1añ a viz Meurzh 350.
Anvet e voe, war un tu gant Constantius Iañ, ha war an tu all gant Magnentius.
Constantius a glaskas neuze un dreverz gant ar Bersed evit ober war aferioù ar C'hornôg. Pa oa o varc'hata gant Vetranio, e gouraterien a oa o prenañ ofiserien ha soudarded Vetranio gant leun a argant.
E Naissus (Nisch[1]), d'ar 25 Kerzu 350, e komprenas Vetranio e oa bep prenet e arme gant Constantius. En em ziskargañ a reas war an taol.
Leusket e voe da vont gant Constantius, gant ul leve, e Prusa[2], e Bithynia. Mervel a reas eno er bloaz 356.