Verb skañv
Er yezhoniezh e vez implijet an termen verb skañv (diwar light verb pe vector verb e saozneg) evit komz eus ur verb a dalvez da sevel verboù kevrennek. Kentoc'h evit reiñ titour semantikel, e talvez ar verboù skañv da verkañ perzhioù yezhadurel, da skouer an amzer hag an arvez yezhadurel. Da skouer:
- e perseg (anv-kadarn + verb skañv kærdæn):
- sohbæt ("kaoz") → sohbæt kærdæn ("kaoz ober" = "kaozeal")
- e hindeg (verb semantikel pennañ + verb skañv jānā; peurachuiñ):
- ānā ("dont") → ā jānā ("dont mont" = "degouezhout")
Renket e c'hell bezañ ar verboù gwan neuze, hervez o arc'hwel, evel un doare verb skoazell.
Diorroet e vez ar verboù skañv diwar verboù "pounner" a-hed ar wezh, kollet gante tamm-ha-tamm o "liv" semantikel hag alies e vezont gwelet evel un ailhedenn en un dereziadenn (saoz. cline):
- verb (pounner) → verb skañv → verb skoazell → stagadenn → kenger → displegadur
A-wezhoù e vez graet verboù gwan (saoz. (semantically) weak verb) anezhe, met disheñvel int diouzh ar verboù gwan kavet e meur a yezh c'hermanek.