Veracruz

Kreñvlec'h kozh tost d'an aod gwelet eus ar malecón

Kreiz-kêr Veracruz gwelet eus penn ar malecón, gant an iliz-veur en diadreñv.

Veracruz gwelet eus an oabl, e miz Mezheven 1997

Veracruz zo ur porzh-mor ha brasañ kêr Stad Veracruz (anvet ivez Veracruz de Ignacio de la Llave), e Republik Mec'hiko, war aod Pleg-mor Mec'hiko, met n'eo ket kêrbenn ar stad: Xalapa an hini eo. Alies e vez graet Puerto de Veracruz anezhi, d'he disheñvelout diouzh stad Veracruz.

Jarochos a vez graet eus an annezidi. E 2005 e oa 444,438 e kêr, ha 512,310 er gumun.

Istor

Kêr Vera Cruz ha San Juán de Ulúa en 1615

Diazezet e voe ar pozh gant ar c'honkistador Hernán Cortés, a zilestras eno e 1519, a-raok mont da aloubiñ Bro-Mec'hiko evit Spagn. Envel a reas anezhi La Villa Rica de la Vera Cruz ("Kêr Binvidik ar Gwir Groaz"; a-wechoù e vez lavaret e oa La Rica Villa de la Vera Cruz). Porzh pouezusañ Spagn Nevez e oa. Eno e karged arc'hant ha marc'hadourezh eus listri ar Meurvor Habask, bet diskarget en Acapulco ha degaset dre zouar da adkargañ war listri ar Meurvor Atlantel, da gas da Spagn.

Liammoù diavaez

• (es) Ti-kêr Veracruz
• (es) Mirdi Veracruz

Skeudennoù

• 

  Palez kêr Veracruz

• 

  Veracruz, war-dro ar bloavezh 1834

• 

  Tour-tan Carranza dirak ar malecón

• 

  Veracruz e 1854

• 

  Ar "Grand Café de la Parroquia", brudetañ kafedi Veracruz. Eno e vez evet "lechero", kafe doare expresso gant laezh eonek.