Velosiraptor

Eus Wikipedia
Mont da : merdeiñ, klask
Velosiraptor
Velociraptor Wyoming Dinosaur Center.jpg
Korf-eskern ur velosiraptor
Rummatadur klasel
Riezad : Loened
Skourrad : Chordata
Kevrennad : Sauropsida
Dreisturzhiad : Dinosauria
Urzhiad : Saurischia
Isurzhiad : Theropoda
Kerentiad : Dromaeosauridae
Genad : Velociraptor
Anv skiantel
Velociraptor mongoliensis
Osborn, 1924
Pelec'h e veze kavet
Azia pellañ
Prantad
Kretase uhel, ~80-70 milion
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png
Ment un den e-kichen ur Velociraptor

Ar Velociraptored ("Preizher fonnus" e latin)[1], ur genad Dromaeosauridae, a oa dinosaored a oa o vevañ war-dro 75 da 71 milion vloaz zo e-pad diwezh ar C'hretase.[2] Anavezout a reer daou spesad, daoust ma"z eus bet kaoz eus spesadoù all en amzer dremenet. V. mongoliensis eo ar spesad skouer. Dizoloet e oa karrekaennoù eus ar spesad-se e Mongolia. Un eil spesad, V. osmolskae, a oa badezet e 2008 diwar tammoù klopennoù kavet e Mongolia diabarzh, e Sina.

Bihanoc'h evit Dromaeosauridae all evel Deinonychus hag Achillobator, Velociraptor en doa koulskoude kalz eus perzhioù o c'horfadurezh. Ur c'higdebrer daoudroadek e oa. Pluñvek e oa gant ul lost hir ha reut, ha skilfoù e stumm filzier war pep pav a-dreñv, hag a veze implijet da lazhañ e breizhoù war a soñjer. Gallout a reer lakaat kemm etre ar Velociraptored hag an Dromaeosauridae all dre o c'hlopenn hir hag izel, gant ur muzell troet etrezek an nec'h.

Velociraptor (anvet ivez 'raptor') zo unan eus ar genadoù dinosaored brudetañ abalamour d'ar perzh bras a c'hoari e-barzh ar film Jurassic Park. Er film-se avat e oa diwir lod eus perzhioù e gorfadurezh, da skouer e oa kalz brasoc'h e vent evit na oa e gwirionez ha ne oa ket pluñvek. Anavezet eo mat ivez gant ar baleontologourien, abalamour ma'z eus bet deskrivet en tu all d'un dousennad relegenn garrekaet, ar muiañ eus holl an Dromaeosauridae. Ur garrekaenn vrudet zoken en deus miret ur Velociraptor krog-ha-krog gant ur Protoceratops.


Diskrivadur[kemmañ]

1 metr uhelder hag 1,8 metr ledander e oa ar Velosiraptor. Debriñ a rae dinosaored bihan ha bronneged. Adkavet eo bet e eskern e Mongolia e 1924. Gwechall e oa strujus an hin du-hont ha bevañ a rae ar Velosiraptor er c'hoadeier, e-lec'h ma oa a-walc'h da zebriñ evitañ. Fonnus e rede ha war a seblant e oa speredek kenañ, ar pezh a zo bet ur gavadenn evit ar skiantourien ar bloavezhioù 1920 hag a grede e diotach an dinosaored.

Troad ar Velosiraptor. Remerkañ a reomp ar skilf hag a servije da lazhañ al loened all.

Daoudroadek e oa ar Velosiraptor, hag implijout a rae e lost e-giz un doare da gempouezañ e gorf pa dage an dinosaored all gant ar skilfoù a oa ouzh e dreid.


Notennoù[kemmañ]

  1. Osborn, Henry F. (1924a). "Three new Theropoda, Protoceratops zone, central Mongolia". American Museum Novitates 144: 1–12.
  2. Godefroit, Pascal; Currie, Philip J.; Li, Hong; Shang, Chang Yong; Dong, Zhi-ming (2008). "A new species of Velociraptor (Dinosauria: Dromaeosauridae) from the Upper Cretaceous of northern China". Journal of Vertebrate Paleontology 28 (2): 432–438