Tokyo Gore Police

Eus Wikipedia
Sauter à la navigation Sauter à la recherche
Tokyo Gore Police

東京残酷警察, Tōkyō Zankoku Keisatsu

Filmdata
Titl orin : Tokyo Gore Police

東京残酷警察, Tōkyō Zankoku Keisatsu

Bro produiñ : Japan, Stadoù-Unanet
Deuet er-maez : 21 a viz Even 2008 er Stadoù-Unanet, 2008 e Japan
Yezh orin : japaneg
Padelezh (PAL-DVD) : 110 munutenn
Skigner : Nikkatsu
Pare
Filmaozer : Yoshihiro Nishimura
Skrivagner : Kengo Kaji,
Sayako Nakoshi,
Yoshihiro Nishimura
Aktourien

Eihi Shiina,
Itsuji Itao,
Yukihide Benny,
Ikuko Sawada

Liammoù diavaez

Tokyo Gore Police (東京残酷警察, Tōkyō Zankoku Keisatsu) a zo ur film gore japanat deuet er-maez e 2008. Sevenet eo bet gant Yoshihiro Nishimura hag ennañ e c'hoari an aktorez Eihi Shiina perzh pennañ an istor. Bannet e voe ar film da-geñver meur a festival sinema e Norzhamerika ha dre vras e vo degemeret mat gant ar vurutellerien.

An istor[kemmañ | kemmañ ar vammenn]

En dazont e Japan e tremen an istor. Ur skiantour troet da sot hag anvet "Key Man" en deus krouet ur virus a lka an dud a zont da vezañ krouadurioù euzhus anvet "Engineers". Pa vezont gloazet e kresk un arm e-lec'h ma'z int bet gloazet. Polis Tokyo a zo bet lakaet da vezañ prevez a-benn stourm outo, hag ur bagad poliserien a zo bet krouet a-ratozh-kaer. Anvet eo "Engineer Hunters" ha gwall feuls eo doareoù ar bagad poliserien-se. Ur plac'h anvet Ruka a sikour ar boliserien, hag e klask ivez an den en deus lazhet he zad. Dont a ra a-benn da dapout Key Man, hag a zo ivez o klask war-lerc'h an hini en deus lazhet e dad. Met tad Key man eo an hini a lazhas tad Ruka. Kemmoù bras a c'hoarvez goude-se e buhez Ruka.

Filmaozañ[kemmañ | kemmañ ar vammenn]

E-pad ma oa o labourat war efedoù ispisial The Machine Girl e voe kinniget da Yoshihiro Nishimura aozañ ur film. Divizout a reas seveniñ Tokyo Gore Police, ur remake eus ur film anvet Anatomia Extinction bet sevenet gantañ hag en doa tapet priz ispisial ar juri e festival filmoù Yubari e 1995.[1][2] Filmet ha frammet e voe Tokyo Gore Police dindan div sizhunvezh.[2][3]

Er sinema[kemmañ | kemmañ ar vammenn]

Tokyo Gore Police a voe kinniget e meur a festival sinema a-raok bezañ skignet e Japan. Bannet e voe evit ar wech er Stadoù-Unanet d'an 21 a viz Even 2008 da-geñver Festival filmoù Azia e New York.[4]

Sell ar vurutellerien[kemmañ | kemmañ ar vammenn]

Tokyo Gore Police a voe degemeret gant ar vurutellerien er Stadoù-Unanet. War lec'hienn Rotten Tomatoes e c'haller lenn e voe t 100% a bennadoù burutellañ mat, ha keidenn an notennoù a oa 7.5 diwar 10 (jedet diwar 8 pennad burutellañ).[5] V.A. Musetto (New York Post) a roas teir steredenn (diwar peder) d'ar film hag e skrivas e oa "mat-kenañ".[6] Michael Esposito (Chicago Tribune) a roas teir steredenn.[7]

Notennoù[kemmañ | kemmañ ar vammenn]

  1. http://twitchfilm.net/interviews/2008/10/yoshi-nishimura-interview.php An Interview with Tokyo Gore Police Director Yoshihiro Nishimura Perkins, Rodney Twitch
  2. 2,0 ha2,1 http://twitch.dev2.apperceptive.com/interviews/2008/06/yoshihiro-nishimura-talks-tokyo-gore-police.php Yoshihiro Nishimura Talks Tokyo Gore Police Brown, Todd Twitch
  3. http://subwaycinema.com/index.php?option=com_content&view=article&id=88&Itemid=80 |NYAFF 2008: Tokyo Gore Police Subwaycinema.com
  4. http://www.subwaycinema.com/index.php?option=com_content&view=article&id=88 NYAFF 2008 - Tokyo Gore Police Subway Cinema
  5. http://www.rottentomatoes.com/m/tokyo_gore_police/ Tokyo Gore Police - Rotten Tomatoes Rotten Tomatoes IGN Entertainment, Inc
  6. http://www.nypost.com/seven/10032008/entertainment/movies/blood__revenge_and_a_tiny_skirt_131873.htm Blood, Revenge and a Tiny Skirt Musettoe, V.A. New York Times
  7. http://archives.chicagotribune.com/2008/oct/31/entertainment/chi-tokyo-gore-police-review-103oct31 ‘Tokyo Gore Police’: An example of truth in titling Esposito, Michael Chicago Tribune


Liammoù diavaez[kemmañ | kemmañ ar vammenn]

Flag of Japan.svg Porched Japan ha sevenadur Japan – Adkavit ar pennadoù a denn da Japan ha d'e sevenadur.