Tokarn kelt
An tokarn keltiek zo unan eus pezhioù dilhad brezel ar Gelted. Da-geñver fuchadegoù henoniezh ez eus bet kavet un dek bennak a dokarnoù evel-se, implijet evit ar brezel pe e prosesionoù.
Tokarnoù keltiek anavezet
[kemmañ | kemmañ ar vammenn]Tokarnoù Tintignac
[kemmañ | kemmañ ar vammenn]Meur a dokarn kinklet zo bet kavet en un neved galian e Tintignac, e Navas, Correze.
En o zouesk, unan zo en houarn ha nav en arem. Daou anezho zo sebezus, mes int a glot mat get deskrivadur Diodoros Sikilia hag a lara eo kinklet tokarnoù ar Gelted gant arouezioù loened. Unan zo kinklet gant un alarc'h, hag anvet e vez tokarn-alarc'h. Ar pezhioù-mañ zo dibar ha kontet da vezañ eus an IIIvet kantved kent J.-K.
Tokarn Ciumeşti
[kemmañ | kemmañ ar vammenn]An tokarn eus kêr Ciumeşti zo bet kavet er bloavezhioù 1960 en ur vered italian tost da gêr Carei, bloaziet eus ar IVvet pe an IIIvet kantved kent J.-K.. An tokarn zo en houarn hag an arouez a-us zo bet graet en arem, hag a skeudenn un evn-preizh, pe ur vran.
Tokarn Waterloo Bridge
[kemmañ | kemmañ ar vammenn]Stumm tokarn Waterloo Bridge zo dibar en Europa, hogen gallout a reer e geñveriañ gant an hini skeudennet ouzh Kaoter Gundestrup.
Kavet e voe en Tavoez e Londrez. Diouzh lec'h ha deiziad ar pezh-se ez eo gwirheñvel e oa bet krouet gant ar C'hantiaci, ar re a zalc'he Londrez d'ar mare-se, hervez Klaudios Ptolemaios.
-
An tokarn-alarc'h, kavet e 2004 e Tintignac. -
Tokarn Ciumeşti. -
Tokarn Waterloo Bridge kavet en Tavoez 150/50 kent J.-K.
