Timbroù Skos Nevez
Emañ ledenez Skos Nevez ("Nova Scotia" e latin) e hanternoz Amerika. Unan eus proviñsoù reterañ Kanada eo.
Etre 1851 ha 1863 ez eus aet ur servij postel emren en-dro. Dek timbr bennak zo embannet dindan an anv NOVA SCOTIA, an darn vrasañ poltred ar Rouanez Victoria warno, tri anezho zo fleurennoù ardamezek en-dro d'ur gurunenn warno.
Abaoe 1868 e vez implijet timbroù Kanada e Skos Nevez.