Timbroù Nyasaland
An anv « Gwarezvro Nyasaland » (Nyasaland Protectorate e saozneg) zo bet roet d’ar 6 a viz Gouere 1907 d’ur vro e gevred Afrika, dindan dalc’h ar Rouantelezh-Unanet, bet badezet Gwarezvro Kreizafrika saoz betek an deiz-se.
Dizalc’h e vo e 1964 hag adanvet Malawi.
Arabat eo kemmeskañ timbroù an Nyasaland gant ar re warne ar meneg « Companhia do Nyassa ». Aze zo kaoz eus an embregerezh prevez o verañ etre 1894 ha 1929 hanternoz Afrika bortugalek ar Reter, da lavaret eo ar Mozambik.