Thierry la Fronde
| Tachenn | action television series  |
|---|---|
| Bro orin | Frañs |
| Yezh orin ar film pe an abadenn skinwel | galleg |
| Deiziad kregiñ | 3 Du 1963 |
| Deiziad echuiñ | 27 Meu 1966 |
| Sonaozer | Jacques Loussier |
Thierry la Fronde a zo ur stirad skinwel gall, 52 rann a 25 munutenn enni. Skignet eo bet eus an 3 a viz Du 1963 betek ar 27 a viz Meurzh 1966 war RTF Télévision ha goude war chadenn gentañ an ORTF, da Sul da noz.
An istor
[kemmañ | kemmañ ar vammenn]E 1360 emañ roue Frañs, Jean II, e dalc'h ar Saozon. Priñs Kembre, Edouarzh a Woodstock, mab henañ ar roue Edouarzh III a Vro-Saoz, en deus aloubet ul lodenn vat eus rouantelezh Frañs.
Un aotrou yaouank eus Sologne a ziviz stourm ouzh ar Saozon ha dieubiñ e roue.
Trubardet eo un deiz gant e verour, Florent de Clouseaules, a werzh anezhañ d'ar Saozon gant ar c'hoant lakaat e arigrap war e zouaroù. Prizoniet eo en e gastell. O vezañ ma anavez mat al lec'h e teu a-benn da dec'hout buan gant sikour ul laer.
Evel-se e krog e droioù-kaer. Kantren a ra er c'hoadoù ha bodañ ar ra ur vandennad kompagnuned kavet gantañ war e hent ha prest d'e sikour en e stourm : Bertrand, Jehan, Pierre, Judas, Martin, Boucicault hag Isabelle.
O vezañ m'eo ar vatalm e arm karetañ e tibab bezañ anvet « Thierry la Fronde ».
Brudet eo sonerezh ar stirad, La Marche des compagnons, bet savet gant Jacques Loussier.
Tudennoù hag aktourien
[kemmañ | kemmañ ar vammenn]- Jean-Claude Drouot a zo Thierry de Janville, lesanvet « Thierry la Fronde »
- Pierre Guillermo a zo Thierry la Fronde bugel
- Céline Léger a zo Isabelle
- Raoul Billerey a zo Gauthier
- Robert Bazil a zo Boucicault
- Fernand Bellan a zo Judas ar c'homedian
- Jean Gras a zo Bertrand ar barazher
- Clément Michu a zo Martin ar botaouer-koad
- Robert Rollis a zo Jehan al laer
- Bernard Rousselet a zo Pierre ar barzh
- Jean-Claude Deret a zo Florent de Clouseaules