Théophile Thoré-Burger

Étienne-Joseph-Théophile Thoré, lesanvet William Bürger, ha Théophile Thoré-Bürger (23 a viz Even 1807 e La Flèche – 30 a viz Ebrel 1869 e Pariz) a oa ur c'hazetenner hag ur buruteller arzoù gall. A-drugarez dezhañ eo e voe dizoloet en-dro oberenn Vermeer.

E vuhez

Alvokad e oa. E miz Meurzh 1848 e krouas ar gazetenn bemdeziek La Vraie République, hag a voe berzet buan a-walc'h gant Cavaignac. E miz Meurzh 1849 e krouas Le Journal de la vraie République : burevioù ar gazetenn a voe distrujet d'an 13 a viz Even 1849. Thoré a rankas divroañ hag ez eas da Vrusel. Eno eo e tibabas an anv-pluenn William Bürger. Distreiñ a reas da Frañs goude distaoliadeg ar 15 a viz Eost 1859.

Er bloavezhioù 1830 en doa staget gant ar vicher buruteller arzoù. Sevel a reas a-du gant ar realouriezh, hag e tifennas laborioù livourien evel Jean-François Millet ha Gustave Courbet. E 1866 e lakaas embann un heuliad tri fennad er Gazette des beaux-arts, ma tisplege penaos en doa dizoloet oberenn Vermeer. E 1842, p'edo o weladenniñ ur mirdi e Den Haag, e welas Gwel eus Delft, gant an anv Vermeer. Er bloavezhioù goude e kavas un oberenn all en un dastumad prevez : Ur servijourez o skuilhañ laezh (Plac'h al laezh).

E-pad e vloavezhioù en harlu ez eas war glask oberennoù Vermeer. Ul lodenn anezho a oa anavezet, met roet da livourien all evel Pieter de Hooch. En holl e kavas 70 oberenn diwar zorn Vermeer. Hiziv an deiz e ouezer ne chom nemet 35 livadur bet savet gant Vermeer (en holl en dije livet war-dro 45 taolenn). Dont a reas a-benn memestra da anavezout div drederenn eus livadurioù Vermeer.

Oberennoù

Dictionnaire de phrénologie et de physiognomonie, à l'usage des artistes, des gens du monde, des instituteurs, des pères de famille, des jurés, etc., 1836 [1]
La Vérité sur le parti démocratique, 1840 [2]
Catalogue de dessins des grands maîtres, provenant du cabinet de M. Villenave, 1842
Le Salon de 1844, précédé d'une lettre à Théodore Rousseau, 1844
Dessins de maîtres, Collection de feu M. Delbecq, de Gand, 1845 [3]
Catalogue des estampes anciennes formant la collection de feu M. Delbecq, de Gand, 1845 [4]
La Recherche de la liberté, 1845
Le Salon de 1845, précédé d'une lettre à Béranger, 1845
Le Salon de 1846, précédé d'une Lettre à George Sand, 1846 [5]
Le Salon de 1847, précédé d'une Lettre à Firmin Barrion, 1847 [6]
Mémoires de Caussidière, ex-préfet de police et représentant du peuple, gant Marc Caussidière, 2 levrenn, 1849 1 2
La Restauration de l'autorité, ou l'Opération césarienne, 1852
Dans les bois, 1856
En Ardenne, par quatre Bohémiens. Namur, Dinant, Han, Saint-Hubert, Houffalize, La Roche, Durbuy, Nandrin, Comblain, Esneux, Tilf, Spa, kenlabour, 1856
Trésors d'art exposés à Manchester en 1857 et provenant des collections royales, des collections publiques et des collections particulières de la Grande-Bretagne, 1857
Amsterdam et La Haye. Études sur l'école hollandaise, 1858
Çà & là, 1858
Musées de la Hollande, 2 vol., 1858-1860
Études sur les peintres hollandais et flamands. Galerie d'Arenberg, à Bruxelles avec le catalogue complet de la collection, 1859
Musée d'Anvers, 1862
Trésors d'art en Angleterre, 1862
Van der Meer (Ver Meer) de Delft, 1866
Les Salons : études de critique et d'esthétique, 3 vol., 1893
Thoré-Bürger peint par lui-même : lettres et notes intimes, 1900 [7]