Teresa Fernández de Traba
| Reizh pe jener | plac'h  |
|---|---|
| Bro ar geodedouriezh | Rouantelezh León |
| Anv-bihan | Teresa |
| Patronym or matronym | Fernández |
| Titl noblañs | list of Leonese consorts, rouanez kenseurt |
| Deiziad ganedigezh | 1125 |
| Deiziad ar marv | 6 C'hwe 1180 |
| Lec'h ar marv | León |
| Lec'h douaridigezh | Panteon Rouaned León |
| Tad | Fernando Perez de Traba |
| Mamm | Sancha Gonzalves |
| Breur pe c'hoar | Gonzalo Fernandez de Traba |
| Pried | Nuño Pérez de Lara, Fernando II León |
| Bugel | Fernando Núñez de Lara, Álvaro Núñez de Lara, Gonzalo Núñez de Lara y Traba, Fernando de León |
| Familh | House of Traba |
| Karg | rouanez kenseurt |
| Statud sokial | nobility of Spain |
Teresa Fernández de Traba, marvet d'ar 6 a viz C'hwevrer 1180 e León), a oa eil pried Fernando II León, roue León.
Tiegezh
[kemmañ | kemmañ ar vammenn]Teresa a oa merc'h bastard d'ar c'hont Fernando Pérez de Traba, den uhel e Galiza, kont Traba hag aotrou Trastamara, ha d'e bried-kleiz, Teresa León, Kontez Portugal.
He zud-kozh a-berzh tad e oa ar c'hont Pedro Froilaz hag ar gontez Urraca Froilaz. He zud-kozh a-berzh mamm e oa ar roue Alfonso VI León hag e bried-kleiz Jimena Muñoz.
Dimezet e oa bet d'ar c'hont Nuño Pérez de Lara en 1152.
Goude marv Nuño en 1177, ez eas Teresa da lez León. Hag eno, a-raok ar 7 a viz Here 1178, e timezas d'ar roue Fernando II León (1137–1188).
Goude an eured-se e c'hallas he bugale dont da chom d'al lez ha fougeal e oant bugale rouanez León : kement-se zo testeniet en un dihell ma weler he mab Álvaro oc'h ober un donezon da Abati Sobrado oc'h ober filius comitis domni Nunonis et regine domne Tarasie anezhañ e-unan[1].
Dimezioù ha bugale
[kemmañ | kemmañ ar vammenn]Div wech e timezas eta:
- da Nuño Pérez de Lara[2]
- Álvaro (marvet en Uclés, e 1218)dimezet da Urraca Díaz de Haro, met bugel ebet ne voe. Pa intañvezas ez eas da leanez, hag e teuas da vout abadez Manati Santa María (Cañas). Álvaro en doe meur a vugel digant e bried-kleiz Teresa Gil de Osorno[3].
- Fernando
- Gonzalo (d. 1225), dimezet div wech;
- da Jimena Meléndez, bugel ebet n'o doe.
- da María Díaz de Haro, merc'h da Diego López II de Haro, kerent da Leonor, Nuño, Teresa, Diego, ha Fernando González de Lara[4]. Goude marv Gonzalo ez eas María da leanez hag abadez e voe war-lerc'h he moereb Mencía López de Haro e Manati San Andrés de Arroyo.
- Sancha Núñez, dimezet da Sancho, Kont Provañs[5]
- María, abadez Perales[5]
- Elvira, kontez, dimezet da Ermengol VIII, Kont Urgell war-dro 1176[6].
- da Fernando II León, ha daou vab o doe;
- Fernando, Infant León (1179–1187).
- Sancho, Infant León (1180).
He marv
[kemmañ | kemmañ ar vammenn]
Mervel a eure d'ar 6 a viz C'hwevrer 1180 en kêr León, er gwentloù. Goude he marv ec'h addimezas ar roue Fernando II León da Urraca López de Haro.
Notennoù
[kemmañ | kemmañ ar vammenn]- ↑ Sánchez de Mora, Antonio. "La Nobleza Castellana en la Plena Edad Media: El Linaje de Lara (ss. XI-XIII)", Universidad de Sevilla, 2003, p.185
- ↑ Barton, p. 269–270, a skriv e voe div verc'h all, Leonor ha Teresa, ha ne oant ket meneget gant Sánchez de Mora, pa grede dezhañ e oant bugale da Gonzalo Núñez de Lara ha María Díaz de Haro.
- ↑ Sánchez de Mora, Antonio. "La Nobleza Castellana en la Plena Edad Media: El Linaje de Lara (ss. XI-XIII)", Universidad de Sevilla, 2003. pp. 276-277
- ↑ Sánchez de Mora, Antonio. "La Nobleza Castellana en la Plena Edad Media: El Linaje de Lara (ss. XI-XIII)", Universidad de Sevilla, 2003, pp.279-284
- ↑ 5,0 ha5,1 Sánchez de Mora, Antonio. "La Nobleza Castellana en la Plena Edad Media: El Linaje de Lara (ss. XI-XIII)", Universidad de Sevilla, 2003, p. 293
- ↑ Fernández-Xesta y Vázquez, Ernesto (2001). Relaciones del condado de Urgel con Castilla y León, p. 21