Urzh an Templ

Marc'heien Baour ar C'hrist ha Templ Salomon (latin : Pauperes commilitones Christi Templique Solomonici), anavezet gwelloc'h dre an anvioù Urzh an Templ, Templourien, Paotred an Templ haMarc'heien an Templ, a oa un urzh kristen ha soudardel bet savet d'an 22 a viz Genver 1129 evit gwareziñ ha sikour ar birc'hirined a yae da Jeruzalem da vare Brezelioù ar Groaz.

Tost da zaou gantved e padas an Urzh a-raok bezañ divodet gant ar pab Klemañs V d’an 13 a viz Meurzh 1312.

Pledet o doa kalz izili Urzh an Templ gant an arc'hant hag un aozadur kreñv a oa bet savet ganto a-dreuz ar broioù kristen gant ur rouedad lec'hioù anvet komandirioù, hag a oa un egin reizhiad bankerezh ha lec'hioù kreñv koulz en Europa hag en Douar Santel.

Diwezh an Urzh

Liammet-start e oa berzh-mat an Demplourien ouzh Brezelioù ar Groaz. Pa oa bet kollet an Douar Santel ec'h eas brud vat an urzh war zisteraat. Brudoù a redas war lidoù-degemer kuzh evit an izili nevez, ha roue Frañs, Fulup IV, a zlee arc'hant bras dezho, a gavas e dro hag a bouezas war ar pab Klemañs V evit ma vefe graet un dra bennak a-enep dezho. E 1307 e voe lakaet ar c'hrog war ur bern templourien e Rouantelezh Frañs, a voe boureviet a-benn diskuliañ traoù gaou ha barnet da vezañ devet ent-bev. E-pad bloavezhioù e talc'has start Fulup IV war ar pab evit ma tivodfe hemañ an Urzh, ar pezh a reas a-benn ar fin er bloaz 1312.

Er bloaz 2002 ez eus bet adkavet un diell orin a lavar e oa bet digabluzet e-kuzh renerien an Urzh gant ar Pab Klemañs V.

Mistri Veur

#	Anv	Amzer e karg
1.	Hugues de Payns	1118-1136
2.	Robert de Craon	1136-1147
3.	Everard des Barres	1147-1151
4.	Bernard de Tremelay	1151-1153
5.	André de Montbard	1153-1156
6.	Bertrand de Blanchefort	1156-1169
7.	Philippe de Milly	1169-1171
8.	Eudes de Saint-Amand	1171-1179
9.	Arnau de Torroja	1181-1184
10.	Gerard de Ridefort	1185-1189
11.	Robert de Sablé	1191-1193
12.	Gilbert Erill	1193-1200

#	Anv	Amzer e karg
13.	Phillipe du Plessis	1201-1208
14.	Guillaume de Chartres	1209-1219
15.	Pedro de Montaigu	1218-1232
16.	Armand de Périgord	1232-1244
17.	Richard de Bures (Arvarus)	1244/5-1247^[1]
18.	Guillaume de Sonnac	1247-1250
19.	Renaud de Vichiers	1250-1256
20.	Thomas Bérard	1256-1273
21.	Guillaume de Beaujeu	1273-1291
22.	Thibaud Gaudin	1291-1292
23.	Jacques de Molay	1292-1314

Notennoù

↑ Lazhet pe brizonet e oa bet en Emgann La Forbie (er biz da C'haza, 17 – 18 a viz Here 1244) ; Richard de Bures zo bet e penn an Demplourien betek dilennidigezh Guillame de Sonnac. Ne ouzer ket diarva ha Mestr Meur eo bet pe get, dael zo war an dra-se ; gwelit aze.

Commons

Muioc'h a restroù diwar-benn

Urzh an Templ

a vo kavet e Wikimedia Commons.

[1] Lazhet pe brizonet e oa bet en Emgann La Forbie (er biz da C'haza, 17 – 18 a viz Here 1244) ; Richard de Bures zo bet e penn an Demplourien betek dilennidigezh Guillame de Sonnac. Ne ouzer ket diarva ha Mestr Meur eo bet pe get, dael zo war an dra-se ; gwelit aze.

[1]