Tapir ar menezioù

Tapir ar menezioù

En arvar (EN)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Tapirus

Anv skiantel

Tapirus pinchaque
Roulin, 1829

D'ar vevoniezh

e tenn ar pennad-mañ.

Tapir ar menezioù (Tapirus pinchaque) a zo ur bronneg hag a vev e Suamerika (Kolombia, Ecuador ha Perou).

Doareoù pennañ

Tapir ar menezioù eo an hini bihanañ eus ar pevar spesad tapired a zo, war-dro 1.80 m e gorf ha 90 cm ouzh an draen. Etre 130 ha 180 kg a bouez a zo ennañ.

Tanav eo e groc'hen met stank e vlevenn c'hell pe zu hag a sikour anezhañ da dalañ ouzh ar yenijenn. Gwenn eo e lapennoù ha beg e zivskouarn.

Ur c'hwesha eus ar gwellañ a zo dezhañ a-drugarez d'e drompilh gizidik.

Bevañ a ra war-dro 30 vloaz.

Gouennañ

A-raok ar gouennañ en em gann ar pared evit ur barez. C'hoarvezout a ra un tamm a-raok koulz-amzer ar glaveier.

An dougen a bad war-dro 13 miz hag an tapir bihan nevez-c'hanet a vez 4 kg a bouez ennañ. Dizonet e vez d'an oad a 6 miz ha chom gant e vamm ur bloavezh-pad. Tizhout a ra e oad gour etre 3 ha 4 bloaz.

Emzalc'h

Aonik eo tapir ar menezioù ha plijout a ra dezhañ kouronkañ er stêrioù hag er poulloù. Un neuier ampart eo ha gallout a ra chom pell amzer dindan dour en ur analat gant e drompilh. Un doare eo dezhañ da chom kuzhet hag achap kuit diouzh preizhataerien.

P'en em gav daou dapir an eil gant egile e tispakont o dent ha stouiñ o divskouarn evit diskouez taeroni. Ma n'eo ket trawalc'h evit lakaat unan anezho da skarzhañ kuit en em gannont o klask dantañ pavioù a-dreñv egile. Dre m'eo lemm-mat rakdent an tapir e c'hell bezañ gwall c'hloazet gant emgannoù a-seurt se.