Sul ar Beuz

Eus Wikipedia
Jezuz oc'h antren e Jeruzalem war un azen. Kartenn gant ur skeudenn eus ar Bibl eus deroù an XXvet kantved. Antreal en ur gêr war gein un azen a oa un arouez peoc'h hervez an hengoun[1],[2].

Sul ar Beuz pe Sul ar Bleunioù zo ur gouel kristen mont-dont, d'ar Sul a-raok Sul Fask hervez an deiziadur katolik. Lidañ a reer neuze donedigezh Jezuz da Jeruzalem hag an degemer brav graet dezhañ hervez ar pevar Aviel[3].

E kalz ilizoù kristen e vez ingalet barroù palmez benniget (skoulmet e stumm krommelloù alies) d'ar feizidi. Abalamour ma'z eo diaes pourchas barroù Palmez da-geñver al lid-se e broioù zo abalamour d'an hin e vez implijet alies barroù deliaouek beuz, ivin, haleg pe gwez all eus ar vro.

Diazez er Bibl hag arouezelezh[kemmañ | kemmañ ar vammenn]

Donedigezh Jezuz da Jeruzalem, livadenn en iliz-parrez Zirl, en Aostria.

E danevell ar pevar aviel, e antre Jezuz e Jeruzalem war-dro ur sizhunvezh kent e zasorc'hidigezh[4],[5],[6],[7],[8].

Hervez an avieloù e antreas Jezuz e Jeruzalem war un azen, hag an dud en degemere a ledas o mantilli war al leur dirazañ, hag a lakaas ivez barroù gwez bihan war an douar.

An azen a c'hell bezañ un dave d'un arouez eus hengoun ar reter a ra anezhañ un aneval a beoc'h, er c'hontrol d'al loen-kezeg, zo ul loen brezel[9] Ur roue a antree e kêr war varc'h pa veze en imor brezeliañ ha war un azen pa felle dezhañ diskouez e teue e peoc'h. Jezuz war un azen a oa arouez priñs ar peoc'h.[10],[11].

E kalz lec'hioù eus ar Reter-Nesañ kozh e oa ar c'hiz goleiñ gant un dra bennak an hent ma tremene unan bennak a soñjed e oa dellezek eus ar brasañ enorioù. En Testamant Kozh (Rouaned 9:13) e taneveller e oa graet evel-henn en enor da Jehu, mab Jehoshafad. An Avieloù a zanevell e oa graet ivez en enor da Jezuz. En holl avieloù e reer anv eus tud a led o dilhad war hent Jezuz hag a droc'h broen e-kichen n'eus nemet en Aviel Sant Yann e reer anv eus barroù palmez. Ar barroù palmez a oa un arouez trec'hlid ha viktor en hengoun yuzev, hag implijet int evel-henn e lodennoù all eus ar Bibl (da skouer Leviticus 23:40 ha Diskuliadur 7:9). Abalamour da se eo deut da vezañ arouezius hag a-bouez an abadenn-se.

El liderezh[kemmañ | kemmañ ar vammenn]

Deiziadoù Sul ar Beuz
2010–2022
Diouzh an deiziadur gregorian
Bloaz Kornôg Reter
2010 miz Meurzh 28
2011 miz Ebrel 17
2012 miz Ebrel 1 miz Ebrel 8
2013 miz Meurzh 24 miz Ebrel 28
2014 miz Ebrel 13
2015 miz Meurzh 29 miz Ebrel 5
2016 miz Meurzh 20 miz Ebrel 24
2017 miz Ebrel 9
2018 miz Meurzh 25 miz Ebrel 1
2019 miz Ebrel 14 miz Ebrel 21
2020 miz Ebrel 5 miz Ebrel 12
2021 miz Meurzh 28 miz Ebrel 25
2022 miz Ebrel 10 miz Ebrel 17

Kristeniezh ar c'hornôg[kemmañ | kemmañ ar vammenn]

Da vare Sulvezh ar beuz, en iliz katolik, evel e kalz Ilizoù katolik ha breuriezhoù luterek, e vez benniget ar barroù palmez (pe barroù ur spesad all en hinoù yenoc'h) gant ar sparf e diavaez an iliz (pe en diabarzh pa vez re yen e-kichen an nor). Ur brosesion a vez ivez gant ar gloer hag ar golisted, ar Barrezianiz, ha kement zo...

Notennoù[kemmañ | kemmañ ar vammenn]

  1. Mazhev 19-28 gant William David Davies, Dale C. Allison 2004 ISBN 0567083756 p 120
  2. Yann 12-21 gant John MacArthur 2008 ISBN 9780802408242 p 17-18
  3. Marc'h 11:1-11, Mazhev 21:1-11, Lukaz 19:28-44, Yann 12:12-19
  4. The people's New Testament commentary gant M. Eugene Boring, Fred B. Craddock 2004 ISBN 0664227546 p 256-258
  5. The Bible Knowledge Background Commentary: Matthew-Luke, Volume 1 gant Craig A. Evans 2003 ISBN 0781438683 p 381-395
  6. The Synoptics: Matthew, Mark, Luke gant Ján Majerník, Joseph Ponessa, Laurie Watson Manhardt 2005 ISBN 1931018316 p 133-134
  7. The Bible knowledge background commentary: John's Gospel, Hebrews-Revelation gant Craig A. Evans ISBN 0781442281 p 114-118
  8. Matthew 21:1-11]], Mark 11:1-11, Luke 19:28-44 John 12:12-19
  9. Matthew 19-28 gant William David Davies, Dale C. Allison 2004 ISBN 0567083756 p 120
  10. Matthew 19-28 by William David Davies, Dale C. Allison 2004 ISBN 0567083756 page 120
  11. John 12-21 by John MacArthur 2008 ISBN 9780802408242 pages 17-18


Levrlennadur[kemmañ | kemmañ ar vammenn]

  • Charlez ar Gall, pennad diwar-benn Sul ar Beuz, e-barzh Les Cahiers de l'Iroise, ni. 1, 1964. Adembannet e-barzh Breiz o veva - Vivre la Bretagne, Emgleo Breiz, 2011.

Gwelet ivez[kemmañ | kemmañ ar vammenn]