Bandenn Gaza
.jpg)
| Rann eus | Tiriadoù palestinat  |
|---|---|
| Deiziad krouiñ | 1949 |
| Perzhiad e | "First Rain" Operation |
| Anvet diwar | Gaza |
| Anv annezidi | gazià, gaziana, gazians, gazianes |
| Kevandir | Azia |
| Stad | Palestina |
| Kêr-benn | Gaza |
| Daveennoù douaroniel | 31°27′0″N 34°24′0″E |
| Poent uhelañ | Abu Auda |
| Penn an aotrouniezh | Mahmoud Abbas, Ismail Haniyah |
| Gwerzhid-eur | UTC+02:00 |
| Moneiz | new shekel |
| A zo stok ouzh | Egipt, Israel |
| Ekonomiezh an danvez | ekonomiezh Bandenn Gaza |
| Araogenn bellgomz ar vro | +970 |
Bandenn Gaza, pe Strizhenn Gaza (قطاع غزة, Qita' Ghazzah, en arabeg, רצועת עזה, Retzuat 'Azza, en hebraeg) zo un dachenn douar lec'hiet e mervent Israel. Evel Sisjordania e oa bet aloubet gant arme Israel ha melestret e rankfe bremañ gant Aotrouniezh Vroadel Palestina, met tapet eo bet ar galloud eno gant al luskad Hamas e 2007.
Anv[kemmañ | kemmañ ar vammenn]
Bandenn Gaza a denn hec'h anv eus hini ar gêr vrasañ er c'hornad, Gaza pe Ghazza.
Israel ha Bandenn Gaza[kemmañ | kemmañ ar vammenn]
Da-heul an diviz kemeret gant Aozadur ar Broadoù Unanet d'an 29 a viz Du 1947, e oa Palestina da vezañ rannet e div stad dizalc'h, ur stad yuzev hag ur stad arab ; ar stad arab a oa d'en em ledañ, dre vras, war Sisjordania ha Bandenn Gaza. Gant ar broioù arab amezek e voe nac'het ar rannadur-se ha disklêriañ a rejont ar brezel a-enep ar stad yuzev (Israel). Un arsav-brezel a voe e 1949 etre Israel hag ar broioù arab ha drezañ e voe lakaet douaroù Sisjordania e dalc'h stad Jordania. Bandenn Gaza, hi, a voe fiziet ar melestradur anezhi en Ejipt. Goude ar Brezel c'hwec'h devezh, e 1967, e voe aloubet an douaroù-se gant Israel. Bandenn Gaza a voe staget ouzh Israel neuze betek 1994, pa oa bet sinet Emglevioù Oslo. Hervez an emglev-se e oa un doare gouarnamant emren, Aotrouniezh Vroadel Palestina, da ren war 80% eus an douaroù palestinat a oa bet aloubet e 1967. E gwirionez e talc'has arme Israel da ren Bandenn Gaza betek 2005. Er bloavezh-se e voe rediet an trevadennoù savet gant Yuzevien da vont kuit gant gouarnamant Israel.