Amerikaneg

Eus Wikipedia
(Adkaset eus Stadunaneg)

An amerikaneg zo un anv brezhonek hag a vez graet a-wechoù eus saozneg Stadoù-Unanet Amerika (US English e saozneg), ar yezh muiañ komzet er vro-se, daoust ma n'eo ket yezh ofisiel[1].

Ar ger[kemmañ | kemmañ ar vammenn]

Ganet e 1954[kemmañ | kemmañ ar vammenn]

  • "Rak-se ne vez mui komzet er c'hêrioù evel Glaschu pe Din-Edin, nemet ur c'hemmeskaj na deo na skoseg, na saozneg, kentoc'h un amerikaneg fall seurt a vez brudet gant ar filmoù." (David Murison, Lallans, troet gant Per Denez, Al Liamm niv. 19, Meurzh-Ebrel 1950, p. 52)

Kentañ roud eus ar ger a oa e 1954, dindan pluenn Per-Jakez Heliaz[2]. Ne voe ket adkemeret ar ger diouzhtu.

Setu perak n'eus roud ebet eus ur skrid lennegel stadunanat a vefe "troet diwar an amerikaneg" e-barzh Gwalarn. E 1925, eo diwar ar saozneg e oa bet troet Ar Skarbouklenn Vras, kontadenn Natahaniel Hawthorne gant Youenn Drezen[3].

Ken nebeut all e-barzh Al Liamm : "diwar ar saozneg" eo ez eus bet troet un danevell gant Hemingway, ha "diwar saozneg Amerika" unan all gant Faulkner[4].

Menegoù all[kemmañ | kemmañ ar vammenn]

Skouerioù eus implij ar ger a gaver:

Er geriadurioù[kemmañ | kemmañ ar vammenn]

Menegoù all[kemmañ | kemmañ ar vammenn]

  • E katalog levraouegoù Diwan e lenner, diwar-benn ar memes levr : Troet diwar an amerikaneg ha Yezh orin : Saozneg (eng)[13].
  • Kavout a reer ar ger ivez war un t-shirt embannet gant Yoran Embanner : Perak deskiñ amerikaneg ? Warc'hoazh e vo komzet brezhoneg gant ar bed a-bezh[14]. Anat eo ez eo un doare gwelloc'h da vrudañ ar ger eget en ul levr.

Amerikanek[kemmañ | kemmañ ar vammenn]

Diwar ar ger amerikaneg ez eus bet savet gerioù all:

  • An anv-gwan amerikanek a zo bet meneg anezhañ ivez[15].
  • An anv-kadarn amerikanegadur, e Geriadur Ménard[16] evit treiñ unan eus sterioù ar ger gallek "américanisme", hag a dalv kement ha tro-lavar amerikanek, disheñvel diouzh re ar saozneg saoz eta. Evit sterioù all ar ger gallek, gwelout amerikanegezh hag amerikanouriezh.

Stadunaneg[kemmañ | kemmañ ar vammenn]

Ar ger stadunaneg zo bet implijet en ur blog ivez gant Sav-Heol[17].

Bevennoù en implij[kemmañ | kemmañ ar vammenn]

  • E saozneg, ne lar ket Stadunaniz e komzont American (amerikaneg), met saozneg, a-wechoù American English, saozneg amerikan, saozneg eta, evel ma vez komzet saozneg en Aostralia, Kanada, hag Iwerzhon[18],[19].
  • An American Language Center, e Marrakech da skouer (11 all zo e rouantelezh Maroko), n'eo ket ur greizenn ma kelenner amerikaneg, met ur greizenn amerikan ma kelenner saozneg, hervez lec'hienn ar greizenn hec'h-unan[20].
  • Ral eo klevout, e brezhoneg, anv a lennegezh amerikanek, pe a ganaouennoù amerikanek, pa ne gomzer peurliesañ nemet eus oberennoù saoznek. Ne vez ket troet oberennoù Mark Twain pe Stephen King, na filmoù Woody Allen, na kanaouennoù Bob Dylan, e saozneg evit lennerien Bro-Saoz: e saozneg int bet skrivet pe savet.
  • Un arroudenn :

We have really everything in common with America nowadays except, of course, language.

Oscar Wilde


Pennadoù kar[kemmañ | kemmañ ar vammenn]

Notennoù[kemmañ | kemmañ ar vammenn]

  1. Votadeg e Sened SUA, d'an 18 a viz Mae 2006, diwar-benn ofisielaat ar saozneg e [1]
  2. Per-Jakez Heliaz ha Pêr Trepos Ar boued-touseg (Jakez Krohen ha Gwillou Vihan, skrid fentus ma kaver meneget ar ger peder gwech) (14.11.1954).
  3. [2]
  4. "Al Liamm" niv.302-303, 1997, p.301.
  5. Troidigezh gant Per-Gwendal Steven, 1979; rakpajenn 2.
  6. Paol ar Meur, Bed ZH, Mouladurioù Hor Yezh, 2012, p.13.
  7. niv. 233, meurzh 2003, p.54; niv.280, kerzu 2014, p.4.
  8. Rhisiart Hincks, niv.112, Meurzh 2007, p.7.
  9. Pennad-kaoz gant Erwan Blanchard
  10. Hervez ar bajenn PROGRAMM TREIÑ LENNEGEL [3].
  11. Geriadur Ménard, pajenn 69.
  12. [4]
  13. http://pmbdiwan.eilderezdiwan.org/opac_css/index.php?lvl=notice_display&id=16096
  14. [5]
  15. Gant Guy Étienne e Geriadur ar Stlenneg, Preder, 1995, p.54b.
  16. Geriadur Ménard, 2012, p.69b,
  17. Perak deskiñ amerikaneg ? Warc'hoazh e vo komzet brezhoneg gant ar bed a-bezh !http://savheol.canalblog.com
  18. https://play.google.com/store/apps/details?id=com.languagesuccesspress.speakenglishlikeanamerican
  19. https://web.archive.org/web/20160307090353/https://answers.yahoo.com/question/index?qid=20100808103540AAVG1kp
  20. http://alcmarrakesh.com/#0
  21. http://www.bbc.co.uk/blogs/wales/entries/05836e12-eaab-3b05-b7da-d5050dd096ea