Squeezie
| Reizh pe jener | paotr  |
|---|---|
| Bro ar geodedouriezh | Frañs |
| Anv ganedigezh | Lucas Adrien Hauchard |
| Anv-bihan | Lucas |
| Anv-familh | Hauchard |
| Lesanv | Squeezie |
| Deiziad ganedigezh | 27 Gen 1996 |
| Lec'h ganedigezh | Vitry-sur-Seine |
| Yezhoù komzet pe skrivet | galleg |
| Bet war ar studi e | Descartes Lycée |
| Deroù ar prantad labour | 2011 |
| Perzhiad e | 2022 GP Explorer, 2023 GP Explorer |
| Oberenn heverk | Oxyz |
Lucas Hauchard, lesanvet Squeezie, ganet d’ar 27 a viz Genver 1996 e Vitry-sur-Seine (Val-de-Marne) a zo un animatour dudi hag embreger. Hiziv e vez heuliet gant 41,9 milion[1] a goumananterien en holl war e rouedadoù sokial.
Krouet en doa e rouedad Youtube kentañ e 2008 met e 2011 e oa bet krouet e rouedad a vremañ gant al lesanv Squeezie. Krog eo da vezañ anavezet dre ober videoioù gaming ; goude se, evit dedennañ muioc’h a dud e oa krog d’ober videoioù liesseurt. E 2013 en doa krouet ur rouedad, e kenlabour gant Cyprien, unan eus ar youtuberien vrudetañ anavezet er mare-se, hag e voe evit Squeezie ul leurenn-lañs evit dont da vezañ anavezet kenañ.
Er-maez eus e rouedadoù sokial e kemer perzh e meur a raktres all evel Yoko, ur merk dilhad, pe Gentle Mates, un embregerezh e-sport.
Bugaleaj[kemmañ | kemmañ ar vammenn]
Squeezie a oa krog d’ober videoioù rak plijet kenañ e oa gant ar c’hoarioù video. E-barzh e familh ne veze ket gwelet mat ober videoioù avat, ha c’hoant o doa e dud e tremenfe ar skol da gentañ, met skoazellet o deus anezhañ memes tra.
Youtube[kemmañ | kemmañ ar vammenn]
Pa grouas e chadenn YouTube e 2011 e stagas gant un avantur vras war internet. Dre m'eo deuet da vezañ brudetoc’h-brudetañ en deus krouet, asambles gant Cyprien ur chadenn anvet Bigorneaux et Coquillage (Cypriengaming).
Abaoe 2015 eo Squeezie unan eus ar youtuberien c’hallek brudetañ. Pa vez degemeret e-barzh Webedia, un ajañs mediaoù en linenn, eo un darvoud bras evitañ peogwir eo tigor budjedoù bras d'e videoioù.
E 2019 eo bet kuitaet Webedia gantañ hag ur bazenn vras eo e-barzh e vuhez youtuber rak da-heul, o vezañ m’eo brudet kenañ, e c’hell kaout arc’hant a-walc’h, ha posupl eo dezhañ e-unan kavout kevelerezhioù bras, evit sevel videoioù gant budjedoù bras e-unan[2].
Muioc’h eget ur youtuber[kemmañ | kemmañ ar vammenn]
Abaoe 2021 e krog Squeezie d’ober ur bern raktresoù bras kenañ hag e tiskouez neuze ivez penaos ez eus bet un emdroadur bras kenañ evit ar youtuberien hag a grog d’ober raktresoù a live gant an abadennoù skinwel.
Raktresoù all[kemmañ | kemmañ ar vammenn]
GP Explorer[kemmañ | kemmañ ar vammenn]
Da gentañ eo ur glaoustre lañset e-pad ar Zevent 2020[3]. E 2022 e ped Squeezie 11 daouad eus an internet gall da redek gant F4 war redva ar Mañs. Un eil abadenn a zo bet graet e 2023[4].
Yoko[kemmañ | kemmañ ar vammenn]
Yoko a oa embregerezh dilhad Squeezie, krouet e 2019, awenet gant an arzourez eus bro Japan Yoko Ono. Krouet e oa bet meur a seurt dilhad met dreist-holl rochedoù ha T-shirtoù. Serret eo bet an embregerezh e 2024.
Sonerezh[kemmañ | kemmañ ar vammenn]
Abaoe 2017 ez eus bet embannet gant Squeezie 16 single hag un albom deuet er-maez e 2020.
Levrioù[kemmañ | kemmañ ar vammenn]
Embannet en deus Squeezie ul levr e 2017 e kenlabour gant Maxenss. Hag embannet en deus div BD e 2022 hag e 2023.
Gentles Mates[kemmañ | kemmañ ar vammenn]
Gentle Mates a zo ur c’hleub E-sport krouet gant Squeezie ha Gotaga e 2022 ; Valorant eo e c'hoari video pennañ[5].
Streaming[kemmañ | kemmañ ar vammenn]
Kregiñ a ra Squeezie war Twitch e 2017 gant Webedia en ur ober un nebeud abadennoù aozet evel er skinwel. Met goude se e krou e chadenn Twitch dezhañ e-unan hag e teu buan da gaout brud vras. E 2023 neuze e voe tizhet gantañ taol-dreist an niver brasañ a arvesterien war-un-dro e Bro-C’hall evit un abadenn live gant eil abadenn ar GP Explorer (1,3 milion)[6].
Notennoù ha daveennoù[kemmañ | kemmañ ar vammenn]
- ↑ (fr) Cinq chiffres fous sur Squeezie, le petit prince d'Internet devenu millionnaire, Capital, 22/01/2024
- ↑ Squeezie, l’indétrônable grand frère de l’Internet français, Le Monde, 19 a vie Genver 2024.
- ↑ (fr)Lec'hienn Zevent.
- ↑ (fr)Lec'hienn ar GP Explorer.
- ↑ (fr) https://www.gentlemates.com/fr/, lec'hienn Gentle Mates
- ↑ (fr) Record de viewers Twitch France et monde, Breakflip, 09/09/2023