Seán Ó Ríordáin
Seán Ó Ríordáin
| Reizh pe jener | paotr  |
|---|---|
| Bro ar geodedouriezh | Iwerzhon |
| Anv e yezh-vamm an den | Seán Ó Ríordáin |
| Anv-bihan | Seán |
| Anv-familh | Ó Ríordáin |
| Deiziad ganedigezh | 3 Kerzu 1916 |
| Lec'h ganedigezh | Baile Bhuirne |
| Deiziad ar marv | 21 C'hwevrer 1977 |
| Lec'h ar marv | Glanmire |
| Yezhoù komzet pe skrivet | iwerzhoneg |
| Yezh implijet dre skrid | iwerzhoneg |
| Micher | skrivagner, barzh |
Seán Ó Ríordáin (3 a viz Kerzu 1916 – 21 a viz C’hwevrer 1977) zo unan eus barzhed iwerzhonek brudetañ an XXvet kantved. Ganet e voe e Baile Bhuirne, e gouezelegva Kontelezh Korkig (Corcaigh) e 1917, hag eno e tremenas e vugaleaj. Goude-se ez eas da Gorkig evit e studioù ha tremen a reas ar braz eus e vuhez er gêr-se. E zastumad barzhonegoù kentañ e voe Eireaball Spideoige, e 1952. Ur barzh kristen e oa Ó Ríordáin. Gwall glañv e voe a-hed e vuhez ha kalzik en deus skrivet diwar-benn ar vuhez hag ar marv.
E oberennoù
[kemmañ | kemmañ ar vammenn]- Eireaball Spideoige, 1952.
- Brosna, 1964.
- Rí na nUile, 1967. Embannadur divyezhek eus barzhonegoù heniwerzhonek, kenembannet gant ar c’helenner Seán S. Ó Conghaile.
- Línte Liombó, 1971.
- Tar éis mo Bháis, 1978, embannet gant Seán Ó Coileáin.
- Scáthán Véarsaí, 1980. Un dibab eus e varzhonegoù hag e skridoù all.
E-pad bloavezhioù ivez e skrivas pennadoù er gazetenn Irish Times. Embannet int bet e-barzh Cá bhFuil Éire? Guth an Ghaisce i bPrós Sheáin Uí Ríordáin, gant Stiofán Ó Cadhla (Dulenn, 1998).
E brezhoneg
[kemmañ | kemmañ ar vammenn]- Al Liamm, niv. 120, En ezvezañs, Louc’h an treid, Yezh hanter din, barzhonegoù lakaet e brezhoneg gant Loeiz Andouard
- Al Liamm, niv. 200, Kil an ti (Cúl an ti), barzhoneg lakaet e brezhoneg gant Loeiz Andouard
- Barzhonegoù iwerzhonek, troet ha kinniget gant Éamon Ó Ciosáin, Skrid niv. 33, 1982. Pemp barzhoneg gant Seán Ó Ríordáin.