Sadko

Eus Wikipedia
Sauter à la navigation Sauter à la recherche
"Sadko", Ilya Repin, 1876.

"Sadko" a zo un daolen gant al livour rus Ilya Repin, savet e 1876 e Pariz, urzhiet gant an dug meur Aleksandr Aleksandrovitch.

E 1873 e oa aet Ilya Repin da veajiñ en Europa. Tu a oa dezhañ da welout diskouezadeg an impresionourien e Pariz e 1874. N'en doe ket komprenet hentenn nevez al livouriezh hag e lavare e oa dedennus an tektik met goullo ar ster. "Sadko" a oa e respont d'al livourien c'hall.

Dont a ra titl an oberenn eus ur vojenn rus, "bylina" e rusianeg, anvet "Sadko". Ur beajour-kenwerzh eus Novgorod, Sadko, a oa kouezhet er mor ha degemeret mat gant tsar ar mor. A-benn un nebeud amzer en doa kinniget da Sadko dibab ur plac'h koant ha dimeziñ ganti. Hag an darvoud-mañ a oa dibabet gant al livour. Hervez Ilya Repin e oa pep koantenn ur plac'h eus ur vro estren, ha pep hini anezho a dalveze ur vro pe ur bobl - Bro-Indez, broioù all Europa hag all. Pep hini anezho a zo gwisket brav, met ur plac'h rus dereat a chom pell diouzh an holl a vo dibabet gant Sadko.

A-raok tresañ goueled ar mor en doa kavet atlasoù ar mor ha treset kalz loened ha struzh mor e Normandi.

Viktor Vasnetsov eo Sadko en daolenn.