Quizás, quizás, quizás

Quizás, quizás

sonaozadur

Titl	Quizás, quizás, quizás
Seurt oberenn	kanaouenn
Tachenn	sonerezh poblek
Dezerc’her	Il Divo, Bobby Capó, Bing Crosby, Doris Day, Nat King Cole
Yezh an oberenn pe an anv	spagnoleg
Deiziad embann	1947
Sonaozer	Osvaldo Farrés
Testenn gant	Osvaldo Farrés
Produer	talvoud ebet

Quizás, quizás, quizás (Marteze, marteze, marteze) zo ur ganaouenn spagnolek savet gant ar soner kuban Osvaldo Farrés e 1947.

Kanerien

Kanet eo bet gant Nat King Cole, Doris Day, Los Panchos, Trini López, Bobby Capo, Omara Portuondo, Sonora Matancera, Xavier Cugat, Celia Cruz, Ibrahim Ferrer, Pérez Prado, Gloria Lasso, Dario Moreno, Julio Iglesias, Arielle Dombasle, Irakere, Roberto Alagna, Guy Marchand ha Florent Pagny, Andrea Bocelli, Jennifer Lopez, Halie Loren.

• Anvet Quizá, quizá, quizá ha sonet eo bet gant Eliades Ochoa ha Manu Dibongo er bladenn CubAfrica e 1998.

E saozneg

Troet eo bet e saozneg gant Joe Davis (hag anvet Perhaps, Perhaps, Perhaps) ha kanet gant e-leizh a dud. Brudet eo bet gant Nat King Cole (1958) ha Doris Day (1964). Kanet eo bet ivez gant ar strollad-sonerien Cake (1998), hag Halie Loren.

E yezhoù all

• Kanet eo bet e galleg (Qui sait, qui sait, qui sait an titl) gant Luis Mariano hag Henri Salvador, les Sœurs Étienne.
• Doareoù arabek zo ivez.

E brezhoneg

Un doare brezhonek zo ivez, embannet el levr Parkadoù Sivi Da Viken (Sav-Heol, 2016).

Er filmoù

Klevet e vez ar ganaouenn spagnolek e meur a film.

• Er film In the Mood for Love graet er bloaz 2000 gant Wong Kar-wai , kanet gant Nat King Cole.
• Er film La Mala Educación, gant Pedro Almodóvar.

Liammoù diavaez

• Quizás, quizás, quizás - Ar ganaouenn e spagnoleg, an droidigezh anezhi e saozneg, hag ar ganaouenn e saozneg.
• [2] Kanet gant Bobby Capo
• [3] Kanet gant Celia Cruz.
• [4] Kanet gant Andrea Bocelli ha Jennifer Lopez

-kanet e saozneg

• [5] Kanet gant Doris Day
• [6] Kanet gant Halie Loren