Priñs-eskob
Douaroù a Iliz en Impalaeriezh santel roman german e 1648.
Johann II von Blankenfeld (1471–1527), priñs-arc'heskob Riga. Goude e varv, en 1561, e-pad brezel Livonia, e voe lakaet fin d'an titl[1] e Riga
Ur prins-eskob (Fürstbischof en alamaneg) e oa an eskob a oa e penn ur briñselezh en Impalaeriezh santel roman german, pe er broioù dindan an Urzh Teutonek. Un nebeud titloù damheñvel avat zo bet a-wechoù ivez e broioù all.
Bro-Saoz[kemmañ | kemmañ ar vammenn]
Eskibien Durham a oa ivez priñsed-eskibien, rak en o c'harg e oa ivez difenn ar Rouantelezh saoz diouzh Skosiz an hanternoz, ha zoken goude unanet an div rouantelezh, da lavarout eo goude 1707, betek 1836.
Portugal[kemmañ | kemmañ ar vammenn]
Etre 1472 ha 1967 e veze lavaret eskob-kont eus eskob Coimbra (Bispo-Conde, en portugaleg), pa oa kont Arganil.