Pib-ilin

Eus Wikipedia
Mont da : merdeiñ, klask
Strobad klok ur pib-ilin

Ar pib-ilin a oa bet krouet da-heul lezennoù bet savet gant ar Saozon a-enep da Iwerzhoniz. Savet e oa c'hoant dezho da skarzhañ, da vreinañ ar binioù bras. Evel-se o doa divizet difenn c'hwezhañ e-barzh ur benveg sonerezh, hag ouzhpenn da se o doa difennet c'hoari en o sav. Neuze o doa divizet Iwerzhoniz krouiñ ar benveg-se.

Istor ar benveg[kemmañ]

Alies e veze lakaet ar biniaouer a-gostez. Anat eo, dre liesegezh ar benveg, perak ez eo bet lesanvet « ograou iwerzhonat ». Ur benveg e oa a orin brezelek, a denne d'ur binioù c'hwezet dre ar genoù. Ledet eo bet dre Europa ha testeniet e Bro-Iwerzhon, adalek IXvet kantved. Dre ma oa un arouez soudardel ez eas diwar-wel er XVIIvet kantved, gant aloubidigezh ar Saozon. Distreiñ a reas gant e stumm orin e-penn kentañ an XIXvet kantved. E keit-se, war-dro fin ar XVIIvet ha penn kentañ an XVIIIvet kantved, en em zamgemmas ar binioù evit dont da vezañ ar pib-ilin pe binioù-ilin. Benveg a c'hwezherezh kaset en-dro gant an ilin (gouezeleg uillin, tro-c'hinidik uilleann= « eus an ilin »), e anv kentañ a oa union pipes sur a-walc'h peogwir e son ar reizher tenor, an hini kentañ bet ouzhpennet d'ar benveg (un tamm a-raok 1790), a-unson gant al levriad (chanter) ha n'eo ket eus unvaniezh Bro-Iwerzhon gant Bro-Saoz e 1800, displegadenn dre-zichañs kontet betek re. Ar reizherioù all a zo bet ouzhpennet e-kerzh an XIXvet kantved ha W.H. Grattan Flood, e-kerzh e studi a ijinas an anv uilleann pipes (pib-ilin), o krediñ evel-se adkavout an anv gwirion.

Ar mont en-dro[kemmañ]

Ar benveg en deus daou eizhved gantañ war al levriad. Lod eus levriadoù ar pib-ilin a c'hell kaout betek 7 pe 8 alc'hwez a-benn seniñ hanter-donioù, ha peurvuiañ int kendoniet e Re (D concert set) pe a wechoù e Do, do#, si ha raloc'h e la (flat set). Al levriad a c'hell bezañ savet gant un alc'hwez anvet stop key, a-benn stankañ an aer ha herzel anezhañ da dremen evit paouez ar son ha gellout kendoniañ ar c'hornioù-boud hep kaout son al levriad. Ar pib-ilin eo ar binioù nemetañ gant ar small pipes e-lec'h ez eus tu da baouez son al levriad. Gant ar biniawoù all e vez c'hoariet un ton (war al levriad) gant ar c'hornioù-boud hep gellet paouez ar son.

Megin ur pib-ilin

An aer a ya war-zu ar sac'h a zo kaset gant sikour ur vegin, staget war an dargreiz ha war ar gigenn-daoubenn. Fiñv ar vrec'h hag an ilin a gas aer d'ar vegin.

Peurvuiañ e vez savet ar piboù-ilin gant tri c'horn-boud, toniet o-zri war un eizhved disheñvel, ar pezh a seblant dreistordinal peogwir e vez toniet peurvuiañ war ar bempenn hag an eizhved evit ar binioù boas. Bez' ez eus ivez binvioù savet gant pevar c'horn-boud, met an dra-se a chom ral a-walc'h. An oberour Alain Froment en deus savet binvioù gant ur c'horn-boud toniet war ar bempenn met deuet eo an ardremañs-se da vezañ implijet alies a-walc'h. Evit gellet en ober ec'h implij ar soner alc'hwezioù staliet war ar c'horn-boud o labour stankañ an aer kaset d'ar c'horn-boud, hag a-hend-all e lak anezhañ war e c'hlin gant al levriad en ur stankañ an holl doulloù aer a baouez ar son er mod-se .

E-kichen ar c'hornioù-boud e vez kavet ar reizherioù, e-giz ul levriad gant alc'hwez enno, hag a vez implijet da heuliañ an ton pe da gendoniañ, pe e-unan, pe gant al lusk. An alc'hwezioù-se a vez kaset en-dro gant arzorn ar soner ; niver ar reizherioù a c'hell bezañ etre unan ha pemp anezho. Ret eo teurel pled er sonerezh hengounel iwerzhonat eus an hañvaledigezh a zo etre ar fiddle hag ar pib-ilin e-keñver doare da son (da skouer doare seniñ Kevin Burke ha Paddy Keenan e-barzh The Bothy Band). Ar soner pib-ilin a c'hoari ar memes notennoù hag ar fiddler pe violoñsour gant e gerdin, an daou o seniñ a unson.

Ar stummoù diseurt[kemmañ]

Alies e vez gwelet piboù-ilin diglok, peurliesañ en abeg d’ar priz pe dizampartiz ar soner. Reizherezh ar c'hornioù-boud, ar reizherioù hag al levriad a zo diaes da ober. Ouzhpenn evit a sell ouzh ar priz, e vez ret kontañ 1 500 € evit ur practice set, div wech muioc'h evit un half set ha teir gwech muioc'h evit ur full set.

Practice set[kemmañ]

Practice Set

Practice set pe benveg deskiñ a vez graet eus ar benveg hep korn-boud na reizher ebet. C'hoarvezout a ra eus elfennoù diazez ar pib-ilin hepken : ul levriad ; ur sac'h hag ur vegin.

Half set[kemmañ]

An half set a c'hoarvez eus ar memes elfennoù hag ar practice set met gant kerniel-boud ouzhpenn. N'en deus reizher ebet.

Full set[kemmañ]

Ar full set eo ar benveg klok.

Sonerien vrudet[kemmañ]

Saverien pe luderien[kemmañ]

Liammoù diavaez[kemmañ]