Petits arrangements avec les morts

Petits arrangements avec les morts zo ur film gall, sevenet gant ar filmaozourez c'hall Pascale Ferran e 1993.

Fichenn deknikel

• Doare : Drama,
• Senario ha divizoù : Pascale Ferran ha Pierre Trividic, a-gevret gant Arnaud Desplechin,
• Produour : Cinéa, Eclipsa Films, La Sept Cinéma ha Pan Européenne Production,
• Skeudenniñ : Jean-Claude Larrieu,
• Son : Jean-Jacques Ferran,
• Sonerezh : Béatrice Thiriet,
• Frammañ : Guy Lecorne,
• Kinkladur : Philippe Chiffre,
• Gwiskamantoù : Marie-Claude Altot,
• Prantad filmañ : adalek an 12 a viz Gouere betek ar 15 a viz Gwengolo 1993,
• Lec'hioù filmañ : trowardroioù Pariz, Gwaien, Pontekroaz,
• Deiziad dont er-maez : 5 a viz Here 1994,
• Padelezh : 108'.

Antoine Garceau ha Didier Carteron a oa bet dibabet da skoazellerien seveniñ er film-mañ.

An danvez

War un draezhenn e Breizh emañ ur gwaz en e bemp bloaz ha daou-ugent (Vincent) o sevel ur c'hastellig gant traezh. Tri den a zo o sellout outañ, pep hini anezhe en ul lec'h disheñvel eus an draezhenn. An hini kentañ, ur paotrig Jumbo e anv, a zo kuzhet dindan ur pedalo. Emañ an eil en e goazez war ur bank hag a valir a-us an draezhenn : breur yaouankañ paotr e gastell traezh eo. An deirvet, Zaza he lesanv, a zo en he gourvez war he serviedenn gouronkañ, pellikoc'h diouzh ar c'hastell : c'hoar an daou paotr an hini eo.

Emañ ar film o vont da heuliañ an teir zudenn-mañ, hini-ha-hini, a-hed an endervezh. Betek ma teu splann ez eus un abeg boutin ouzh o liammañ o-zri : skoet e oant bet, hag int-i bugale pe grennarded c'hoazh, gant marv unan nes. Daoust dezhe bezañ en em santet kablus, pep hini anezhe en devoa kavet an tu d'en em renkañ...

Roll ar gomedianed

• Didier Sandre : Vincent,
• Alexandre Zloto : Vincent (krennard),
• Catherine Ferran : Zaza,
• Agathe de Chassey : Zaza (krennardez),
• Audrey Boitel : Lili,
• Charles Berling : François,
• Mathieu Robinot : François (bugel),
• Didier Bezace : René,
• Sabrina Leurquin : Suzanne,
• Marianne Coillot : Suzanne (bugel),
• Nadia Barentin : ar vamm,
• Jean Dautremay : an tad,
• Guillaume Charras : Jumbo,
• Danièle Douet : mamm Jumbo,
• Bruno Todeschini : tad Jumbo,
• Guillaume Raynal : Bruno,
• Dominique Constanza : mamm Bruno,
• Alain Pralon : an aotrou doktor Le Bihan,
• Emmanuelle Bach : ar gazetennerez,
• Marc Betton : medisin Zaza,
• Jean Pélégri : ar c'hozhiad er metro,
• Muriel Mayette : keneilez Zaza,
• Louison Roblin : mamm-gozh Jumbo (mouezh).

Goproù

Tapet e oa bet ar c'hCaméra d'or (Kamera aour) gant ar film da-geñver festival ar sinema e Cannes e 1994.