Petit-Beurre

Eus Wikipedia
Sauter à la navigation Sauter à la recherche
Ur Petit-Beurre

Ar Petit-Beurre zo ur gouign eus Naoned. Krouet e voe gant e 1886 ar greanter Louis Lefèvre-Utile, a gemeras skouer war ar c'houignoù saoz a veze graet d'ar mare-se. Ar merk Lefèvre-Utile n'eo ket perc'henn war an anv avat. Gwispidenn vrudetañ Breizh eo, berzh he deus graet er bed-a-bezh ha kopiet eo bet fonnus abaoe dibenn an XIXvet kantved.

Ar Petit-Beurre LU[kemmañ | kemmañ ar vammenn]

65 mm hed, 54 mm ledander ha 6,5 mm tevder eo. 8,33 gramm eo pouez an tamm. 24 fik zo war bep gwispidenn (a-hed 4 linenn ha 6 bann) kemmesket gant an enskrivadur « Lu Petit-Beurre Nantes » war teir linenn. E kreiz ar gouign emañ al lizherenn B. Un tammig skouarn zo e pep korn, 14 dant war e hed ha 10 war e dreuz, da lavaret eo 48 dant en holl. 52 eo an hollad dent ha skouarnoù eta. Kement-se a c'hall bezañ gwelet evel un deiziadur : ar pevar amzer, 24 eur an deiz, 52 sizhun ar bloavezh.

Deuet eo ar Petit-Beurre da vezañ un arouez eus Naoned, hag eus Breizh zoken.

Ar produerezh[kemmañ | kemmañ ar vammenn]

E labouradeg An Hae-Foazer, e Gwinieg Naoned, e vez graet 9 zonenn eus ar Véritable Petit-Beurre bep bloaz, ur miliard a wispid hag 41 milion a bakadoù.

Ar rekipe hag an dielfennadur mezhur[kemmañ | kemmañ ar vammenn]

Hervez an oberier eo graet ar Petit-Beurre gant[1] :

Diskenn a reer laezh warn ar gwispid a-raok lakaat anezho er forn evit kaout o doare rouzet.

Sed amañ an degasadennoù mezhurel :

evit 100 g evit ur wispidenn
Talvoudegezh energetek 440 kcal - 1850 kJ 36 kcal - 154 kJ
Protein 8 g 0,7 g
Glukid 73 g 6,1 g
Lipid 12 g 1 g

Petit-Beurre all[kemmañ | kemmañ ar vammenn]

Ul Leibniz-Keks

E 1891 e Hannover en Alamagn, e roas ar gevredigezh Bahlsen lusk d'ar Butterkeks, heñvel ouzh ar Petit-Beurre, anvet Leibniz-Keks en enor d'ar prederour ha matematikour Gottfried Wilhelm Leibniz. E Bro-Suis ez eus bet ijinet ur Petit-Beurre gant bent. E Madagaskar e vez graet an 18 Petits-Beurre gant an embregerezh Socobis.

Daveoù ha notennoù[kemmañ | kemmañ ar vammenn]

  1. meneget war ar pakad.