Penniliz Itron Varia Guadalupe (Mec'hiko)

Ur santual katolik dediet da Werc'hez Guadalupe eo Penniliz Itron Varia Guadalupe e Mec'hiko. War torgenn Tepeyac emañ, en delegación Gustavo A. Madero, e kêr Mexico.

Ar santual katolik pouezusañ en Amerika eo, hag unan eus ar re a vez gweladennet ar muiañ, gant 20 milion a birc'hirined bep bloaz, ha 9 milion anezhe war-dro an 12 a viz Kerzu, deiz ar Virgen de Guadalupe. Div iliz a vez gweladennet : Penniliz Nuestra Señora de Guadalupe hag Azeuldi Dasprenus ar C'hrist Roue.

Enni e weler toneg Juan Diego Cuauhtlatoatzin mar deo chomet moulet skeudenn ar Werc'hez goude dezhi en em ziskouez d'ar mesaer-se.

Penniliz Nuestra Señora de Guadalupe

Anvet eo ivez Penniliz "Nevez" Itron Varia Guadalupe. Kentañ azeuldi ar santual eo. Savet e voe gant an tisavourien vec'hikan Pedro Ramírez Vázquez ha Gabriel Chávez de la Mora, d'an 12 a viz Here 1976, evit kemer lec'h ar benniliz kozh a oa o vont da fall en abeg d'an diazezoù re vlot evit ur savadur re bonner.

Azeuldi Dasprenus ar C'hrist Roue

Ar benniliz kozh eo Templo Expiatorio a Cristo Rey, savet en XVIII^vet kantved evel lec'h dediet da azeulerezh ar Virgen de Guadalupe, Gwerc'hez Guadalupe, hag e 1749 e voe anvet da iliz-chabistr.