Paul Peel

Eus Wikipedia
Mont da : merdeiñ, klask
Ar vêsaerez yaouank, Art Gallery of Ontario

Paul Peel (7 a viz Du 1860 e London (Ontario) - 3 a viz Here 1892 e Pariz) a oa ul livour kanadian.

E vuhez[kemmañ]

Peel a voe ganet e London, en Ontario, hag e teskas livañ gant e dad. Goude-se e teskas gant William Lees Judson ha gant Thomas Eakins en Akademiezh arzoù-kaer Philadelphia. Goude-se ez eas da Bariz, hag eno ez eas da skol an arzoù-kaer, ma teskas gant Jean-Léon Gérôme, ha gant Benjamin Constant, Henri Doucet and Jules Lefebvre en Akademiezh Julian.

E 1882 e timezas gant Isaure Verdier ha daou vugel a voe ganet : Robert André e 1886 hag Émilie Margueritte e 1888.

Peel a veajas kalz dre Europa ha dre Ganada, hag e daolennoù a ziskouezas dre ma oa ezel eus Kevredigezh arzourien Ontario ha Royal Canadian Academy. E oberennoù a ziskouezas ivez da-geñver diskouezadegoù etrevroadel evel Saloñs Pariz. Brudet eo evit bezañ taolennet tud en o noazh ha bugale, hag e voe e-touez al livourien ganadian kentañ a lakaas al livañ tud en o noazh da zodenn bennañ o oberennoù[1].


Oberennoù pennañ[kemmañ]

  • Deoliezh, 1881
  • Mamm hag he bugel 1888
  • Al Louzawour yaouank, 1888-1890
  • Kouronker a Venezia, 1889
  • Poltred Gloria Roberts 1889
  • Goude kouronkañ, 1890
  • Ar vêsaerez yaouank, 1892
  • Robert Andre Peel, e-tro 1892
  • Bennett Jull, 1889-1890

Levrlennadur[kemmañ]

  • Victoria Baker, Paul Peel: A Retrospective, 1860-1892 (London Regional Art Gallery: London ON, 1986)

Liammoù diavaez[kemmañ]

Notennoù ha daveennoù[kemmañ]

  1. [1]

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.